Búgin QR Prezıdenti janyndaǵy ortalyq kommýnıkaııalar qyzmetinde ótken baspasóz máslıhatynda oblys ákimi Ońdasyn Orazalın Aqtóbe oblysynda memleket basshysynyń halyqtyń ál-aýqatyn kóterý, memlekettik baǵdarlamalardyń júzege asyrylýy, sonymen qatar, óńirdiń 2021 jyldyń qorytyndysy boıynsha áleýmettik-ekonomıkalyq damýy jónindegi tapsyrmasy aıasynda atqarylyp jatqan sharalar jaıynda baıandady.
«Adyrna» ulttyq portalynyń tilshisi Aqtóbe oblysynyń ákimi Ońdasyn Orazalınge: «Oblys ortalyǵyndaǵy qoǵamdyq tasymaldaýshylardyń jumysy qanaǵattanarlyqsyz. Bul baǵytta qandaı sharýalar atqaryldy?» - degen saýal qoıdy.
«Aqtóbe qalasynda qoǵamdyq kólik tasymaly máselesin júıeli túrde sheshý qolǵa alyndy. Sońǵy alty jylda bıýdjet tarapynan qoldaýdyń bolmaýy saldarynan oblys ortalyǵynda qoǵamdyq tasymal salasynyń kenjelep qalǵany ras. Bul bir jylda sheshiletin másele emes. Biz aldymen Aqtóbe naryǵyna qoǵamdyq tasymalmen aınalysýshy kompanııalardy tartý úshin bıýdjet tarapynan sýbsıdııalaý máselesin sheshtik. Áleýmettik ótemaqyny sheshtik. Iaǵnı, áleýmettik osal toptyń 7 sanaty jeńildetilgen jolaqymen qatynaıtyn boldy. Áleýmettik marshrýttar sýbsıdııalanatyn bolǵandyqtan, Aqtóbe naryǵyna Almatydan jáne Atyraýdan jańa avtobýstarymen eki kompanııa qosyldy. Olardyń qyzmet kórsetý sapasy básekelestik ortanyń talabyn týǵyzdy. Iaǵnı, Aqtóbedegi burynǵy “Avtopark” seriktestigi de avtoparkin jańartýǵa kiristi. Sóıtip, almatylyq “Qala trans” kompanııasy - 32, atyraýlyq “Aqjaıyq avtopark” - 18, Aqtóbeniń óziniń “Avtopark” seriktestigi 23 jańa avtobýs ákeldi. Biraq bul áli de jetkiliksiz. Búgingi kúni kúnine marshrýt jelisine 350 avtobýs shyǵyp júrse, áli de 150-200-deı avtobýs qajettiligi bar. Jyl sońyna deıin ony atalǵan kompanııalar ákelemiz, tolyqtyramyz dep ýáde berip otyr. Qazirdiń ózinde osy jańa avtobýstardyń esebinen qala mańyndaǵy eldi mekenderge qatynaıtyn avtobýstardy jańartý máselesin sheship bastadyq», - dep jaýap berdi Ońdasyn Orazalın.
Ákimniń aıtýynsha, Aqtóbe oblysynda barlyq negizgi kórsetkish boıynsha oń dınamıka qamtamasyz etilgen.
“Óńdeý ónerkásibiniń kólemi 102,7%, ınvestıııa – 120,6%, qurylys – 104%, turǵyn úıdi paıdalanýǵa berý – 113,6%, saýda 104,8%.
Óńir ekonomıkasynyń negizgi úlesin ónerkásip alady, shamamen 37%. Ónerkásip ósimin qamtamasyz etý úshin óńirde jańa kásiporyndar paıdalanýǵa berilip, jumys jasap jatqandary jańartylýda. 2021 jyly óńirge 842, 6 mlrd teńge ınvestıııa tartyldy.Jyl sońyna deıin 80 mlrd teńgege energetıka, munaı óńdeý, azyq-túlik ónerkásibi, ıfrlanlyrý jáne t.b. salalarynda 23 ınvestıııalyq jobany engizý jáne shamamen1,2 myń jumys ornyn ashý josparlanyp otyr», - dedi Ońdasyn Orazalın.
Sondaı-aq, óńirde shaǵyn jáne orta bıznes salasyn damytýda oń dınamıka saqtalyp otyr.
2021 jyldyń qorytyndysy boıynsha jumys istep jatqan sýbektiler sany 6,8% ósip, 65 992 birlikti qurady. Shaǵyn jáne orta kásipkerlik sýbektileri shyǵarǵan ónim kólemi 1,4 trln. teńgeni, ósim 21,7% qurady.
5300-den astam ShOB jobasy memlekettik qoldaýdyń qoldanystaǵy mehanızmderin paıdalandy, bul 2020 jyldyń osyndaı kezeńimen salystyrǵanda eki ese kóbirek. Sonyń ishinde, «Bıznestiń jol kartasy» aıasynda 4030 ShOB jobasy qoldaý taýyp, «Qarapaıym zattar ekonomıkasy» baǵdarlamasy aıasynda 74, «Eńbek» baǵdarlamasy aıasynda 1261 joba maquldanǵan.
«Osy jylǵy 5 aıdyń qorytyndysy boıynsha óńirde turaqty makroekonomıkalyq jaǵdaı saqtalýda. Jalpy salalar boıynsha ónerkásip óniminiń ósimi 101,4%, ınvestıııalar – 104,8%, qurylys jumystary – 101,1%, turǵyn úıdi paıdalanýǵa berý – 101,4%, Kólik jáne qoımalaý – 110,0% qurady», - dep qorytyndylady spıker.
”Adyrna” ulttyq portaly
