Būǧan deiın Qarqaraly audanynyŋ äkımı qyzmetın atqarǧan Erlan Qūsaiyn Qaraǧandy oblysy äkımınıŋ jaŋa orynbasary bolyp taǧaiyndaldy, - dep habarlaidy "Adyrna" tılşısı.
«Erlan Qūsaiyn bılım, mädeniet, sport, jastar jäne ışkı saiasat mäselelerın qadaǧalaityn bolady, ol būrynǧy deputat Erbol Älıqūlovtyŋ ornyna keldı», - dep habarlady Qaraǧandy oblysy äkımdıgınıŋ baspasöz qyzmetı.
Erlan Qūsaiynnyŋ üş joǧary bılımı bar, Böketov atyndaǧy Qaraǧandy memlekettık universitetın «qazaq tılı men ädebietı pänınıŋ mūǧalımı» mamandyǧy boiynşa, Qaztūtynu odaǧy Qaraǧandy ekonomikalyq universitetın «ekonomika salasyndaǧy qūqyqtyq retteu» mamandyǧy boiynşa jäne Prezident janyndaǧy Memlekettık basqaru akademiiasynyŋ magistrı.
Eŋbek jolyn 1999 jyly qazaq tılı mūǧalımı bolyp bastaǧan. 2007 jyldan bastap memlekettık qyzmette. Qaraǧandy oblysynyŋ käsıpkerlık jäne önerkäsıp basqarmasynyŋ qarjy, ūiymdastyru jäne kadr jūmysy bölımınıŋ bas mamany qyzmetın atqarǧan.
2008-2014 jyldar aralyǧynda Qaraǧandy oblysy äkımınıŋ baspasöz qyzmetınde türlı qyzmetterdı atqarǧan.
Būqar jyrau audany äkımınıŋ orynbasary qyzmetın atqarǧan. Qaraǧandy oblysy äkımınıŋ Qazaqstan halqy Assambleiasy hatşylyǧyn basqardy. Qaraǧandy oblysy äkımı apparatynyŋ «Qoǧamdyq kelısım» kommunaldyq memlekettık mekemesınıŋ direktory, ışkı saiasat bölımınıŋ basşysy boldy.
2022 jyldyŋ säuır aiynan berı Qarqaraly audanynyŋ äkımı bolyp qyzmet ettı.
Ūqsas jaŋalyqtar
