Qaraǵandy turǵyny HQKO-ǵa barǵannan keıin óziniń "qaıtys bolǵan" degen esepte turǵanyn bilgen. Bul týraly Polıııa departamenti málimdedi, dep habarlaıdy “Adyrna” ulttyq portaly.
38 jastaǵy Nadejda Lıpına bıyl 23 mamyrda jeke kýáligin aýystyrý úshin halyqqa qyzmet kórsetý ortalyǵyna júgingen. Óıtkeni qujatynyń merzimi aıaqtalǵan. Keıin 2012 jyldan bastap málimetter bazasynda áıel "qaıtys boldy" degen esepte turǵany belgili bolǵan.
"Shoshyp kettim. Osy jyldar ishinde resmı jumys istedim. Nesıe aldym, 2018 jyly bosandym, bir jasqa deıingi bala kútimi boıynsha járdemaqy aldym. Maǵan AHAJ tirkeý kitabynda meniń "ólimim" týraly jazba bary aıtyldy. Bul qalaı bolýy múmkin? Túsinbeımin", - dedi Nadejda Lıpına.
HQKO ókili áıelge jaǵdaıdy túzetýge ýáde bergen.
"23 mamyrdan bastap olardan jaýap kúttim. Búgin olar maǵan qońyraý shalyp, qate ózgertilgenin, jeke kýálikti aýystyrýǵa bara alatynymdy aıtty. Dúısenbide baramyn, óıtkeni búgin jumystamyn", - dedi Nadejda Lıpına.
Qaraǵandy oblysy PD baspasóz qyzmeti ókili bolǵan jaǵdaıǵa qatysty pikir bildirdi.
"Azamatsha Lıpına júgingen kezde, buryn berilgen kýálik 2012 jyly "azamattyń qaıtys bolýyna baılanysty" degen qate sebeppen joıylǵany anyqtaldy. 9 maýsymdaǵy jaǵdaı boıynsha, derekter bazasyna túzetý engizildi, - dep túsindirdi PD baspasóz qyzmeti ókili.
Sondaı-aq, vedomstvo ókili áıel merzimi ótken qujat úshin aıyppul tólemeıtinin atap ótti.
”Adyrna” ulttyq portaly
