Qaraǧandyda Sport künıne orai Paralimpiada jäne Surdlimpiada oiyndarynyŋ jeŋımpazdary men jüldegerlerıne erekşe qūrmet körsetıldı.
Alty sportşyǧa jaŋa päterlerdıŋ kıltı tabystaldy. Jaŋa qonys ielerı Dastan Mūqaşbekov, Daiana Fedosova, Erkebūlan Qanafin, Aian Äbdıraş, Aijamol Abdikatova jäne Aida Maqatova atandy.
Saltanatty şara Dostyq üiınde öttı. Jiyn barysynda sportşylarǧa, jattyqtyruşylarǧa jäne sala ardagerlerıne qūrmet körsetılıp, olardyŋ el sportynyŋ damuyna qosqan ülesı atap ötıldı.
– Bügınde Qaraǧandy oblysynyŋ myŋnan astam ökılı elımızdıŋ ūlttyq qūrama komandalarynyŋ sapynda. Alǧa qarai nyq qadam basu üşın jekelegen sport nysandaryn saludan zamanaui sporttyq orta qalyptastyruǧa jäne klasterlık täsılge köşıp jatyrmyz. Sonymen qatar sporttyŋ barşaǧa qoljetımdı boluy asa maŋyzdy. Osyǧan bailanysty inkliuzivtı baǧytqa erekşe män beremız. Basty maqsatymyz – sport seksiiasyna alǧaş kelgen baladan bastap, Qazaqstannyŋ namysyn ırı halyqaralyq jarystarda qorǧaityn sportşyǧa deiın är azamatqa qolaily jaǧdai jasau, – dedı oblys äkımınıŋ orynbasary Älıbek Äldenei.
Surdotaekvondoşy Aian Äbdıraş ta quanyşymen bölıstı. Qazaqstannyŋ sport şeberı taekvondomen 18 jyldan berı ainalysyp keledı. Surdlimpiada oiyndarynda bırneşe märte üzdık nätije körsetıp, bır altyn jäne ekı qola medal ielengen.
– Men taekvondony sporttyŋ erekşe ärı süiıktı türı retınde baǧalaimyn. Būl sportqa menı ata-anam alyp keldı. Alǧaşqy kezden-aq jattyǧuǧa qyzyǧuşylyǧym artyp, nätijelerım de bırtındep jaqsara bastady. Jeŋısterge jetu üşın tynymsyz jattyqtym. Bügıngı qoldau men qamqorlyq üşın şyn jürekten alǧys aitamyn. Oblys äkımdıgıne jäne dene şynyqtyru jäne sport basqarmasyna zor rizaşylyǧymdy bıldıremın, – dedı Aian Äbdıraş.
Saltanatty şara barysynda sport salasynyŋ üzdık ökılderıne qūrmet gramotalary men alǧys hattar tabystaldy.
Biyl sportta joǧary jetıstıkterge jetken azamattarmen bırge olardyŋ jeŋısıne ärdaiym demeu bolǧan ata-analary da nazardan tys qalmai, marapatqa ie boldy.
Sondai-aq sport ardagerlerıne airyqşa qūrmet körsetılıp, olarǧa arnaiy syilyqtar tabys etıldı.
