16 jyl buryn tasjoldaǵy apattan aman qalǵan qaraǵandylyq oqýshylar batyl polıeıdiń erligine qurmet bildirip, qutqarýshylaryn eske aldy. Bul týraly Polisia.kz jarııalady, dep habarlaıdy “Adyrna” ulttyq portaly.
Aıta keteıik, 2008 jyldyń 20 mamyrynda 130 bala mingen úsh avtobýs Astanadan Qaraǵandyǵa bet alǵan jolda apatqa ushyrady. Olardyń qaýipsizdigine jaýaptylardyń biri, jol polıııasynyń ınspektorlary Qaırat Jumabekov balalardy qutqaryp, qaza tapqan bolatyn.
– Barlyǵy qas qaǵym sátte boldy. Astana – Qaraǵandy tasjolynda júk kóligi aldynda kele jatqan jeńil kólikti basyp ozyp, biz jetegimizge alyp kele jatqan avtobýstarǵa qaraı qarsy baǵytqa shyqty. Qaırat tez arada sheshim qabyldap, júk kóligi avtobýsqa soǵylmaý úshin ózimiz mingen qyzmettik avtokólikpen tosqaýyl qoıdy. Odan keıingisi esimde joq. Men jansaqtaý bólimine túsip, ol jerde tórt kún jattym. Ol óziniń qyzmetine adal berilip, tapsyrmany antyna sáıkes sońyna deıin oryndady. Eger olaı jasamaǵanda avtobýstaǵy balalar qaza tabatyn edi, – dep ótkendi esine aldy Qaırat Jumabekovtiń áriptesi Dmıtrıı Pýgach.
Asyl azamattyń erligi jaıynda túsirilgen beınefılm qaladaǵy kınoteatrlardyń birinde kórsetildi. Oǵan Qaırat Jumabekovtiń jary Nazgúl, uly Ǵalym, qyzy Dılara qatysty. Tártip saqshysy qutqarǵan balalar sol kezde 10 jasta bolsa, búginde árqaısysy ómirden óz oryndaryn taýyp, otbasyly boldy. Olar aǵalarynyń erligin bir sátke de umytqan emes.
Ishki ister mınıstrliginiń resmı ókili Shyńǵys Alekeshev Qaırat Jumabekovtiń erligi jaıynda túsirilgen beınefılm barlyq mektepterde kórsetilip, batyrdyń qaısarlyǵy óskeleń urpaqqa jetkiziletinin atap ótti.
Eske salsaq, jol-kólik oqıǵasynan keıin júk kóliginiń júrgizýshisiniń ústinen qylmystyq is qozǵalyp, ol jeti jylǵa bas bostandyǵynan aıyryldy.
