Qazaqstannyŋ bas memlekettık sanitar därıgerı Aijan Esmaǧambetova koronavirus infeksiiasynyŋ älı de qauıptı ekenın aitty, - dep habarlaidy Tengrinews.kz tılşısı.
Aijan Esmaǧambetova Qazaqstanda koronavirustyŋ jappai tarauy eŋbek ūjymynan tys jerde, iaǧni, adamdar köp jinaluyna bailanysty ekenın aitady.
"Qonaqqa baryp, üige qonaq şaqyramyz. Mamandardyŋ eskertuıne qaramastan qarapaiym erejelerdı saqtamaimyz. (...) Mysaly, Qaraǧandy oblysynda koronavirus jūqtyrǧan bır adam anyqtalǧannan keiın infeksiianyŋ segız oşaǧy anyqtalǧan. Būl jaǧdaida ūjymnyŋ özınde 29 adam, al üi oşaǧynda 11 adam anyqtaldy. Iаǧni, anyqtalǧan 11 jaǧdaidan keiın taǧy 40 adam anyqtaldy. Onyŋ üşeuı - balalar. Türkıstan oblysynda da bır nauqas anyqtalǧannan keiın bırden segız oşaq tırkeldı. Nätijesınde 20 adam jūqtyrǧan. Onyŋ ekeuı 60 jastan joǧary adamdar", - deidı Aijan Esmaǧambetova OQK brifingınde.Sonymen qatar, jük kölıgınıŋ jürgızuşısı ūjymyndaǧy 6 adamǧa koronavirus jūqtyrǧan.
"Olar (alty adam - avtor) infeksiiany üilerıne tasymaldap, taǧy 14 adam jūqtyrǧan. Nūr-Sūltan qalasynda bır otbasynyŋ bırden bes müşesı virus jūqtyrǧan. Onyŋ ışınde qauıptı toptaǧy egde jastaǧy adamdar, iaǧni, olardyŋ ata-anasy. (...) Aita ketetın jait, auyzaşarǧa barǧandardan da koronavirus anyqtaldy. Osy sekıldı mysaldar arqyly aurudy auyr ötkızetın, arty ölımge äkelıp soǧatyn ülken adamdar bırden jūqtyryp aluy mümkın ekenın aitqym keledı. Ökınışke qarai, ondai jaǧdailar da tırkeldı", - deidı Bas sanitar därıger.Eske salaiyq, Qazaqstanda koronavirus infeksiiasyn jūqtyrǧan 6 969 adam anyqtaldy. Onyŋ ışınde 3 649 adam aurudan aiyqsa, 35 adam qaitys boldy.
Ūqsas jaŋalyqtar
