Bügın, 28 şıldede prezident Qasym-Jomart Toqaevty Ankara qalasynyŋ «Esenboǧa» äuejaiynda Türkiia Prezidentı Rejep Taiip Erdoǧan qarsy aldy. Būl turaly Aqordanyŋ baspasöz qyzmetı jazdy, dep habarlaidy «Adyrna» tılşısı.
«Memleket basşysyn kütıp alu üşın trap aldynda qūrmet qarauyly sap tüzep tūrdy»,—delıngen habarlamada.
Äuejaida ekı el prezidentterı az-kem äŋgımelestı.
"Qonaqjailyq tanytqanyŋyzǧa köp raqmet. Äuejaiǧa kelıp, menı qarsy aldyŋyz. Būl men üşın ülken qūrmet. Bızdıŋ aramyzda eşqandai tüitkıl joq. Bızdı tek tuystyq, yntymaqtastyq bailanystyrady. Erteŋ maŋyzdy sapar bolady. Sapardyŋ baǧdarlamasy öte mazmūndy. Ony tolyq ıske asyramyz dep oilaimyn", – dedı Qasym-Jomart Toqaev.
Erteŋ, iaǧni 29 şılde künı memleketter basşylary qazaq-türık strategiialyq serıktestıgın odan ärı nyǧaitu perspektivasyn talqylap, kelıssöz jürgızedı.
