Endı qazaq tılınde oqityn mektepterde 1-synyp oquşysy bır ǧana tıldı, iaǧni qazaq tılın meŋgeredı. Orys tılı 2-synyptan, aǧylşyn tılı 3-synyptan bastap oqytylady. Būl turaly Bılım jäne ǧylym ministrı Ashat Aimaǧambetov nur.kz portalyna bergen sūhbatynda aitty, dep habarlaidy “Adyrna” ūlttyq portaly.
«Zertteuler men taldaular jürgızgennen keiın bız bırınşı synyp oquşysyna bırden 3 tıldı meŋgeru qiyn ekenın kördık. Būl – tiımsız. Bız būl mäselege qatysty şeşım qabyldadyq. Endı qazaq tılınde oqityn mektepterde 1-synyp oquşysy bır ǧana tıldı, iaǧni qazaq tılın meŋgeredı. Bız balanyŋ aldymen öz ana tılınde oqudy jäne jazudy üirenuı üşın tiıstı jūmys jürgızıp jatyrmyz. Ekınşı synypta baǧdarlamaǧa orys tılı, üşınşı synypta aǧylşyn tılı qosylady. Orys tılınde oqityn mektepterde 1-synypta orys tılı men memlekettık tıl, al 3-synyptan bastap aǧylşyn tılı bolady», - dep tüsındırgen ministr.Ädısteme tūrǧysynan alyp qaraǧanda, būl – dūrys baǧyt ekenın de atap ötken vedomstvo basşysy. Mūndai zertteuler men ūsynystar būryn da bolǧan, sol sebeptı ony engızu josparlanyp otyr.
”Adyrna” ūlttyq portaly
Ūqsas jaŋalyqtar
