Fransiiada mūsylman balalary bılım alatyn jetekşı bılım beru mekemelerınıŋ bırı - Averroes liseiımen (İbni Riuşd) Türkiia elı arasyndaǧy memlekettık kelısımşart joiyldy, dep habarlaidy «Adyrna» ūlttyq portaly Anadolu Ajansı saityna sılteme jasap.
Mälımetterge süiensek, tiıstı şeşımdı Fransiianyŋ O-de-Fransiia gubernatory Djordj-Fransua Leklerk qabyldaǧan. Leklerk būl şeşımın liseide berılgen oqytu jüiesın Fransiianyŋ Ūlttyq Bılım Ministrlıgınıŋ oqu josparyna «tolyq säikes kelmeidı» dep tüsındırdı. Aimaq bilıgı oqu baǧdarlamasynda «mädeniet, genderaralyq qatynastar, gomoseksualizm» siiaqty taqyryptar boiynşa resurstardyŋ tapşylyǧyn atap öttı. Sondai-aq olar oqu baǧdarlamasynda islam turaly aqparat kölemı basqa dınderge qatysty taqyryptarǧa qaraǧanda basym dep sanaidy. O-de-Fransiia bilıgınıŋ pıkırınşe, liseide jūmys ısteitın keibır mūǧalımder «respublikalyq qūndylyqtarǧa qarsy». Şeşım liseidıŋ tūraqty oqytuşylaryn jäne jyldyq biudjetten jarty million euro memlekettık kömektı joǧaltuyna äkeledı. Qaraşa aiynda O-de-Fransiia gubernatorynyŋ nūsqauymen jinalǧan arnaiy bılım beru jönındegı konsultativtık komissiia 2008 jyly mekteppen jasalǧan kelısımşartty būzuǧa dauys berdı. Bılım beru mekemesı Lill qalasynda ornalasqan. Lisei 2003 jyly jūmys ıstei bastaǧan jäne hidjab taǧyp jürgendıkten basqa oqu oryndaryna bara almaityn mūsylmandarǧa bırınşı bolyp esıgın aiqara aşty. Aita keterlıgı, Averroes tülekterınıŋ joǧary oqu oryndaryna tüsuınıŋ tabystylyq körsetkışı 90 paiyzdan asady. Bügıngı taŋda Averroes orta mektebı men liseiınde 800-den astam oquşy oqidy.«Adyrna» ūlttyq portaly
Ūqsas jaŋalyqtar
