Europalyq Odaqtyŋ Reseige qarsy jaŋa, 13-şı sanksiialar paketı jariialandy. Ol alǧaş ret «Mäskeudıŋ äskeri äreketterın qoldady» dep aiyptalǧan qytailyq jäne ündı kompaniialaryna baǧyttalǧan. Būl turaly The Financial Times jazdy, dep habarlaidy “Adyrna” ūlttyq portply.
Basylym mälımetıne säikes, sanksiialar materiktık Qytaidan üş kompaniiaǧa jäne Ündıstannan bır kompaniiaǧa äser etedı. Sonymen qatar, olar Şri-Lanka, Türkiia, Tailand, Serbiia jäne Qazaqstan käsıporyndaryna qarsy baǧyttalady.
«Sauda şekteulerın engızu osy kompaniialardyŋ Reseige qaru-jaraq, onyŋ ışınde elektronika men mikrochipterdı öndıru üşın qoldanylatyn jabdyqtardy jetkızudegı kömegın anyqtaǧannan keiın josparlanuda», - delıngen maqalada.
Onda naqty qandai kompaniialar ekenı körsetılmegen. Jalpy, basylymnyŋ mälımetınşe, şekteuler 200-ge juyq jeke jäne zaŋdy tūlǧalarǧa äser etedı.
Sondai-aq, EO şeneunıkterı ötken aptadaǧy reseilık oppozisiialyq saiasatker Aleksei Navalnyidyŋ ölımıne jauap retınde qosymşa sanksiialar kezeŋın talqylap jatyr.
“Euroodaq elşılerı bır kün būryn qol jetkızgen kelısım sanksiialar paketın 24 aqpanda Ukrainada soǧys qimyldarynyŋ bastalǧanyna ekı jyl toluyna orai resmi türde bekıtuge mümkındık beredı”, dep habarlaidy basylym.
Ötken jyldyŋ küzınde Qazaqstan prezidentı Qasym-Jomart Toqaev Germaniiaǧa sapary kezınde Astana Batys elderı Reseige salǧan sanksiialyq rejimdı ūstanatynyn aitqan. Aǧymdaǧy jyldyŋ qaŋtarynda respublikanyŋ Sauda jäne integrasiia ministrı Arman Şaqqaliev soŋǧy jarty jylda Qazaqstanda sanksiialyq rejimdı būzatyn bırde-bır kompaniia anyqtalmaǧanyna sendırdı.
