Dıkıı Arman laqapatymen tanymal Arman Jumageldıevti qamaý merzimi taǵy eki aıǵa uzardy. Bul týraly Almaty qalalyq soty baspasóz qyzmeti málimdedi, dep habarlaıdy “Adyrna” ulttyq portaly.
Olardyń málimetinshe, úshinshi maýsymda Almaty aýdanaralyq soty tergeý ótinishin qarap, Arman Jumageldıevti qamaý merzimin 7 tamyzǵa deıin uzartty.
Eske sala keteıik, buǵan deıin "Dıkıı Arman" laqap atymen tanymal Arman Jumageldıev Nur-Sultan sotynyń sheshimi boıynsha eki aıǵa qamaýǵa alynǵany habarlanǵan bolatyn. Keıinirek onyń qylmystyq tobynyń músheleri 24 beıbit turǵyndy urlap, kúshtep ustaǵany belgili boldy. Bul týraly Arnaıy prokýrorlar qyzmetiniń basshysy Rızabek Ojarov málimdegen edi.
Sonymen qatar, Bas prokýratýra ókili Dıkıı Arman men onyń tobynyń 14 múshesi qamaýda ekenin aıtty.
Al 18 naýryzda Arman Jumageldıevti qamaý merzimi 7 sáýirge deıin uzarǵany habarlandy.
“Adyrna” ulttyq portaly
