ديكي ارمان لاقاپاتىمەن تانىمال ارمان جۇماگەلديەۆتى قاماۋ مەرزىمى تاعى ەكى ايعا ۇزاردى. بۇل تۋرالى الماتى قالالىق سوتى ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ولاردىڭ مالىمەتىنشە، ءۇشىنشى ماۋسىمدا الماتى اۋدانارالىق سوتى تەرگەۋ ءوتىنىشىن قاراپ، ارمان جۇماگەلديەۆتى قاماۋ مەرزىمىن 7 تامىزعا دەيىن ۇزارتتى.
ەسكە سالا كەتەيىك، بۇعان دەيىن "ديكي ارمان" لاقاپ اتىمەن تانىمال ارمان جۇماگەلديەۆ نۇر-سۇلتان سوتىنىڭ شەشىمى بويىنشا ەكى ايعا قاماۋعا الىنعانى حابارلانعان بولاتىن. كەيىنىرەك ونىڭ قىلمىستىق توبىنىڭ مۇشەلەرى 24 بەيبىت تۇرعىندى ۇرلاپ، كۇشتەپ ۇستاعانى بەلگىلى بولدى. بۇل تۋرالى ارنايى پروكۋرورلار قىزمەتىنىڭ باسشىسى ريزابەك وجاروۆ مالىمدەگەن ەدى.
سونىمەن قاتار، باس پروكۋراتۋرا وكىلى ديكي ارمان مەن ونىڭ توبىنىڭ 14 مۇشەسى قاماۋدا ەكەنىن ايتتى.
ال 18 ناۋرىزدا ارمان جۇماگەلديەۆتى قاماۋ مەرزىمى 7 ساۋىرگە دەيىن ۇزارعانى حابارلاندى.
“ادىرنا” ۇلتتىق پورتالى
