Jańa Qazaqstanǵa qosh keldik pe?

736
Foto: Facebook
Foto: Facebook

Sonymen, referendým ótti. Konstıtýııa ózgerdi.

Keshe saılaý ýchaskelerine halyq jaqsy keldi. Sanaly keldi. Jurttyń júzinen úmit kórdim. Bolashaqqa degen senim jetelep kelgen mıllıondaǵan adamnyń úmiti aqtalsa eken…

Alaıda bir adamnyń bastamasy nemese basty erejeniń ózgergeni úmitti aqtap bermeıdi.

Daýys berýge kelgen mıllıondaǵan adam Ata zańdaǵy ózgeris sııaqty ózgerýge tıis.

Ózgeris neden bastalýǵa tıis? Menińshe, basty ózgeris zańǵa baǵynýdan bastalýy tıis. Zań bárine birdeı. Zań ústem. Aıtalyq, kólikte beldik taǵý kerek pe? Jyldamdyqty saqtaý kerek pe? “Sergekke” túsip qalam nemese aıyppul salady degen qorqynyshtan zańǵa baǵynbaý kerek, adamnyń ishki mádenıeti soǵan jibermeý kerek. Kez kelgen elde osyndaı mıllıondaǵan ereje bar. Adamnyń ishki mádenıeti ortaq erejege baǵyndyrmasa, árqaısynyń basynda “Sergek” turǵan joq.

Barlyq azamat, qoǵamdaǵy mártebesine qaramaı, meıli ol prezıdent bolsyn, meıli ol aýla sypyrýshy bolsyn, qabyldanǵan erejeni saqtap ómir súrmese, elde eshqandaı ózgeris bolmaıdy.

Elestetshi, alańdaǵy 22 fýtbolshy ortaq erejege baǵynbaı oınasa ne bolmaq?! Haos bolady.

Sondyqtan, Basty ereje - Konstıtýııa ózgergennen árbirimizden kútiletin talap - zańǵa sáıkes, uıat-ar kompasyna sáıkes ómir súrý. Sonda ǵana shynaıy ózgeris bolady. Sonda ǵana Jańa Qazaqstan týady.

Konstıtýııa ózgerdi, endi bári ózgerip ketedi eken degen jalǵan úmitten saqtandyrǵym keledi. Konstıtýııadaǵy ózgeriske daýys berý - bul siz isteıtin eń ońaı jumys, mınımým, taýǵa shyǵardaǵy alǵashqy qadam. Al úlken jumys alda. Asýlar alda. Bul - kúndelikti jumys, ózimizben júrgizetin ishki jumys.

Shyńǵys Muqan,

Shymkent qalasy ákiminiń birinshi orynbasary

Pikirler
Uqsas jańalyqtar