Reseı prezıdenti Vladımır Pýtın sáýirde qaterli isiktiń údemeli túrinen emdeldi. Bul týraly AQSh barlaý qyzmetiniń qupııa baıandamasynda aıtylǵan, keıin Newsweek jýrnaly jarııalady, dep habarlaıdy “Adyrna” ulttyq portaly.
Basylym málimetinshe, baıandamada naýryzda Pýtınge qastandyq jasalǵany da aıtylǵan.
"Pýtınniń bıligi myqty. Onyń Kremldegi búkil bıligi kezinde buryn-sońdy mundaı qyzý kúres bolǵan emes, bári onyń bıligi aıaqtalýǵa jaqyn ekenin sezedi", - deıdi jýrnalǵa suhbat bergenderdiń biri.
Sonymen qatar, úsh aqparat kózi de Reseı basshysynyń oqshaýlanýy AQSh barlaý agenttikteriniń Pýtınniń densaýlyǵyna naqty baǵa berýin qıyndatatynyn, sheteldik lıderlermen kezdesýleriniń azaıýy, betpe-bet kezdesýler arqyly alynatyn aqparattardy toqtatatynyn aıtty.
"Pýtınniń oqshaýlanýy ol týraly aqparat alýdy qıyndatty", - dedi ol.
Sońǵy aılarda Ýkraınadaǵy soǵys qarsańynda Pýtınniń densaýlyǵy nashar degen boljam BAQ-ta birneshe ret jarııalandy. 2022 jyldyń mamyrynda Pýtınmen jeke jumys istegen rejısser Olıver Stoýn Reseı prezıdentiniń qaterli isik aýrýymen aýyratyny týraly habarlady. Proekt basylymy Pýtındi saparlarda onkologııalyq aýrýdy emdeıtin dárigerler toby alyp júretinin jazdy.
29 mamyrda Reseı syrtqy ister mınıstri Sergeı Lavrov franýzdyń TF1 telearnasyna bergen suhbatynda Pýtınniń densaýlyǵy nashar degen aqparatty joqqa shyǵardy.
”Adyrna” ulttyq portaly
