Nūrlan Sabyrovtyŋ «Vagner» jeke äskeri kompaniiasyna qarjylai qoldau körsetuı mümkın degen aiyptar boiynşa tekseru aiaqtaldy, dep habarlaidy "Adyrna" ūlttyq portaly Exclusive.kz-ke sıltep.
Qazaqstan Respublikasy ŪQK bırneşe ai boiy taraǧan aqparattar men materialdardy zerdelep, atalǧan derekke qūqyqtyq baǧa bergen. Vedomstvo būl kezeŋde tekseru jürıp jatqanyn ǧana rastap, qosymşa mälımet bermegen.
Tekseru barysynda Qylmystyq kodekstıŋ 170-baby («Jaldamalylyq») aiasynda qylmystyq qūqyqbūzuşylyq belgılerınıŋ bar-joǧy qarastyrylǧan. Atalǧan bap şeteldegı qaruly qaqtyǧystarǧa qatysuşylarǧa qarjylai nemese özge de materialdyq qoldau körsetu jaǧdailaryn da qamtidy.
ŪQK Sabyrovtyŋ äreketterınde qūqyqbūzuşylyq belgılerı anyqtalmaǧan jäne qylmystyq jauapkerşılıkke tartuǧa negız joq dep tanydy.
Aita keteiık, būǧan deiın komiktıŋ Reseige kıruıne şekteu qoiylǧany habarlanǧan edı. Sondai-aq äleumettık jelılerde onyŋ «Vagner» qūrylymyna qatysty tūlǧalarǧa motosikl syilaǧany turaly video taraǧan. Alaida būl jaǧdaiǧa qatysty ol resmi tüsınıkteme bermegen.
