Nyǧmatulin degen familiiany estıse köpşılık Parlament mınberındegı deputattardy «quyryp otyrǧan» şeneunıktı elestetedı. Ol zaŋdy da. Ūzaq jyldar boiy Nūrlan Nyǧmatulin Parlament mäjılısınıŋ töraǧasy lauazymyn iemdenıp keldı. «Qasırettı qaŋtar» oqiǧasynan keiın elımızde saiasi özgerıster bastaldy. Būrynǧy biık qyzmet, bylǧary kresloda otyrǧan talai şeneunık qyzmetınen alyndy, öz erkımen kettı, keibırı ūstaldy, temır torǧa qamaldy. Qyzmetınen ketkenderdıŋ arasynda Nūrlan Nyǧmatulin de bar.
Aqpannyŋ alǧaşqy künınde Nyǧmatulin öz erkımen qyzmetınen ketetının aitty. Ol Mäjılıs töraǧasy qyzmetınde on jylǧa juyq jūmys atqarǧan, salmaǧy basym saiasatkerdıŋ bırı bolatyn. «Ūzaq jyldar boiy türlı saiasi qyzmet atqarǧan sätte, men memleket basşysynyŋ qoldauyn sezınıp keldım. Dauys beruşılerge erekşe alǧys aitqym keledı, olar osynşa jyl boiy Parlamentte öz müddelerın bızge tapsyryp, senım artty. Sonymen bırge barlyq deputattarǧa, barlyq üş şaqyrylymdaǧy deputattar ökılderıne şyn jürekten alǧys bıldırgım keledı», dedı ol. Söz arasynda ol prezidentpen qosa, Nazarbaevqa da alǧys aita ketudı jön sanady. Naqtyraq aitsaq bylai dedı:
«Är zaŋ el damuyna yqpal etetın sondai bır öte qyzu tartysqa toly maŋyzdy, jauapkerşılıgı mol jyldar boldy. Bügın men eŋ aldymen alǧys sözın Elbasymyz, Nur Otan partiiasynyŋ negızın qalauşy Nūrsūltan Nazarbaevqa jäne qazırgı memleket basşysy men partiianyŋ törǧasy Qasym-Jomart Kemelūlyna bıldırgım keledı, olar maǧan senım artqany üşın köp alǧys»,- dedı eks Mäjılıs töraǧasy.
Nyǧmatulinge qatysty artynşa san türlı aqparat şyqty. Mamyr aiynyŋ ortasynda Nūrlan Nyǧmatulin elden kettı degen aqparat paida boldy. Alaida artynşa Nūrlan Nyǧmatulinnıŋ Nūr-Sūltan qalasyndaǧy sauda üilerınıŋ bırınde, kinoteatrǧa kelgen videosy jariialandy. Ol kinoteatrǧa kırer aldynda telegram arnalardyŋ bırıne kışıgırım pıkır bıldırıp, «elden ketuge sebep joqtyǧyn, endıgı uaqytyn nemerelerı men otbasy janynda ötkızetının» aitqan bolatyn.
Alaida nauryz jaŋalyqqa toly boldy. Atyşuly Qairat Satybaldy ūstalyp, tergeuge qamaldy. Ol Nazarbaev äuletıne jaqyndardyŋ bırı jäne eldegı terıs dıni baǧyttyŋ beiresmi kösemı sanalady degen de aqparattar bar. Artynşa Qairat Satybaldynyŋ jūbaiy men Qairat Boranbaev ta ūstaldy. Boranbaev Nūrsūltan Nazarbaevtyŋ būrynǧy qūdasy. Osy aqparattardan keiın Nūrlan Nyǧmatulin elden kettı degen aqparat taǧy şyqty. Būl joly naqty derektermen. Nūrlan Nyǧmatulin nauryz aiynyŋ soŋynda Atyrau qalasyna jeke ūşaǧymen ūşyp baryp, artynşa Äzerbaijan astanasy Bkkuge attandy degen mälımet tarady. Ol Comlux kompaniiasynyŋ bortyna otyryp, Bakuge ūşqan delınedı. «Osylaişa Nūrlan Nyǧmatulin Äzerbaijan arqyly özge elge ketuı mümkın jäne Atyrauǧa ūşu tek ız suytu ädısı» degen jandar da boldy. Nyǧmatulinder äuletıne jeke ūşaqtyŋ tiesılı ekenın eskersek, bärı de mümkın.
Nyǧmatulinder äuletı demekşı. Nūrlan Nyǧmatulinnen bölek Erlan Nyǧmatulin de el auzynda jürgen adam. Ötken jyly Qazaqstannyŋ eŋ bedeldı käsıpkerlerınıŋ ışınde Forbs reitingı boiynşa 32 oryndy iemdengen ol, «Saryarqa Nan Qaraǧandy» JŞS, «Balqaş Nan» JŞS, «Puls» JŞS (bölşek sauda, qonaq üi biznesı, qalaaralyq jolauşylar tasymaly), «Örken Media» JŞS jäne «Trend Capital» JŞS naubaihanalarynyŋ jalǧyz qūryltaişysy bolyp tabylady.
Özge ekı tūlǧamen bırge «YDD Corporation» JŞS Qaraǧandy ferroqorytpa zauytyna ielık etedı. Ol «Qarajyra» kömır öndıruşı AQ aksionerı, David Kemertelidzemen bırge «Qaz Carbon» JŞS-nıŋ iesı. Būl käsıpten bölek özge de biznes türlerıne ie ekenı aitylyp jür.
Atadan bailyq, äkeden miras qalmaǧan soŋ (KSRO zamanynda jeke käsıpke tyiym salyndy), mūndai asqan bailyqty, sansyz käsıp ornyn qalai aşqany, qalai qol jetkızgenı köpşılıkke kümändı.
Nūrlan Nyǧmatulinıŋ ūly Nūrjan Nūrlanovoŋai-ospaq adam emes. Ol osyǧan deiın«QazMūnaiGaz-Aero» kompaniiasynyŋ bas direktory qyzmetın atqarǧan edı, al künı keşe ǧana onyŋ qyzmetten ketıp, ornyna İldar Şamsutdinov esımdı azamattyŋ kelgenı jaily aqparat tarady. Osylaişa äkesı töraǧalyqtan ketken Nūrjan direktorlyqtan kettı.
Nyǧmatulinderge qatysty pıkır köp. Bırı Nūrlandy tısqaqqan saiasatker sanap, «onyŋ saiasi ambisiiasy orasan edı» dese, ekınşısı eskı bilıktıŋ jarqyn ökılı deidı. Alaida bır qyzyǧy qyzmetten ketken Nyǧmatulinderge qatysty qoǧamdy eleŋ etkızer qandai da bır aqparat älı şyqpady. Qaŋtardan keiın bilıkten ketken saiasatkerdıŋ soŋynan söz ben antikor eretının köz körgen qoǧam, būl jaitqa taŋyrqap otyr...
Maqsūt Samatūly
