Ūlttyq muzei ūjymy Prezident Qasym-Jomart Toqaevqa Arystanbek Mūhamediūlynyŋ ısı boiynşa tiıstı tekseru jürgızudı sūrap, ūjymdyq hat jazdy, dep habarlaidy “Adyrna” ūlttyq portaly orda.kz saityna sılteme jasap.
«Bız, QR Ūlttyq muzeiınıŋ qyzmetkerlerı, Qazaqstan Respublikasy Ūlttyq muzeiınıŋ lauazymdy tūlǧalaryna qoǧamda, elde qyzu talqylanyp jatqan negızsız aiyptaularǧa aralasuyŋyzdy sūraimyz», - dep jazady olar.
Hatta ūjym mūrajaidyŋ elımızdıŋ ruhani ömırındegı dästürler men jaŋalyqtardy bırıktıretın bırden-bır ūiym ekenın aitady. Olar öz mälımdemesınde «Altyn adamnyŋ» älemge saiahatyn da atap ötedı.
«Ūlttyq qūndylyqtarymyzdy, tereŋ tarihymyzdy, qaitalanbas önerımızdı älem halqyna paş etetın «Altyn adam» älemge äigılı mūrajailarǧa qoiyldy», - dep jazdy mekeme qyzmetkerlerı.
Olar halyqtyŋ mädeni ömırınıŋ igılıgı üşın eŋbek etkende mūrajaida zaŋdy da, zaŋsyz da tıntulerdıŋ oryn alatynyna narazy.
«Tergeuşılerdıŋ basty maqsaty – mekemenıŋ qarjy-ekonomikalyq saiasatyndaǧy keibır olqylyqtardy tauyp, joǧary lauazymdy tūlǧalardyŋ kınäsın äşkereleu», - deidı olar.
Mūrajai qyzmetkerlerı ıstıŋ şynaiy ärı obektivtı boluy üşın prezidentten ıstı baqylauǧa aluyn sūraidy.
Aita keteiık, Ūlttyq muzei basşylyǧy biudjet qarjysyn jymqyrdy degen küdıkke ılındı. Sybailas jemqorlyqqa qarsy qyzmettıŋ elordalyq departamentı «Altyn adamnyŋ şeruı» halyqaralyq körmesın ötkızuge memlekettık satyp alu turaly şart aiasynda 146 million teŋge biudjet qarajatyn jymqyru deregı boiynşa sotqa deiıngı tergeu jürgızıp jatyr.
16 mamyrda Ūlttyq muzeide jäne Nūr-Sūltandaǧy Arystanbek Mūhamediūlynyŋ üiınde tıntu jürgızılgenı belgılı boldy.
”Adyrna” ūlttyq portaly
