Ulttyq mýzeı qyzmetkerleri Toqaevtan Arystanbek Muhamedıulyna arasha surady

3407
Adyrna.kz Telegram

Ulttyq mýzeı ujymy Prezıdent Qasym-Jomart Toqaevqa Arystanbek Muhamedıulynyń isi boıynsha tıisti tekserý júrgizýdi surap, ujymdyq hat jazdy, dep habarlaıdy “Adyrna” ulttyq portaly orda.kz saıtyna silteme jasap.

«Biz, QR Ulttyq mýzeıiniń qyzmetkerleri, Qazaqstan Respýblıkasy Ulttyq mýzeıiniń laýazymdy tulǵalaryna qoǵamda, elde qyzý talqylanyp jatqan negizsiz aıyptaýlarǵa aralasýyńyzdy suraımyz», - dep jazady olar.

Hatta ujym murajaıdyń elimizdiń rýhanı ómirindegi dástúrler men jańalyqtardy biriktiretin birden-bir uıym ekenin aıtady. Olar óz málimdemesinde «Altyn adamnyń» álemge saıahatyn da atap ótedi.

«Ulttyq qundylyqtarymyzdy, tereń tarıhymyzdy, qaıtalanbas ónerimizdi álem halqyna pash etetin «Altyn adam» álemge áıgili murajaılarǵa qoıyldy», - dep jazdy mekeme qyzmetkerleri.

Olar halyqtyń mádenı ómiriniń ıgiligi úshin eńbek etkende murajaıda zańdy da, zańsyz da tintýlerdiń oryn alatynyna narazy.

«Tergeýshilerdiń basty maqsaty – mekemeniń qarjy-ekonomıkalyq saıasatyndaǵy keıbir olqylyqtardy taýyp, joǵary laýazymdy tulǵalardyń kinásin áshkereleý», - deıdi olar.

Murajaı qyzmetkerleri istiń shynaıy ári obektıvti bolýy úshin prezıdentten isti baqylaýǵa alýyn suraıdy.

Aıta keteıik, Ulttyq mýzeı basshylyǵy bıýdjet qarjysyn jymqyrdy degen kúdikke ilindi. Sybaılas jemqorlyqqa qarsy qyzmettiń elordalyq departamenti «Altyn adamnyń sherýi» halyqaralyq kórmesin ótkizýge memlekettik satyp alý týraly shart aıasynda 146 mıllıon teńge bıýdjet qarajatyn jymqyrý deregi boıynsha sotqa deıingi tergeý júrgizip jatyr.

16 mamyrda Ulttyq mýzeıde jáne Nur-Sultandaǵy Arystanbek Muhamedıulynyń úıinde tintý júrgizilgeni belgili boldy.

”Adyrna” ulttyq portaly

Pikirler