Túrkistan oblysynda 15 jastaǵy oqýshy qyz mekteptegi emtıhannan keıin ózine qol saldy. Qaıǵyly jaǵdaı 2 maýsymda Ordabasy aýdanyndaǵy Kókaral eldi-mekeninde bolǵan. Qara jamylǵan otbasy buǵan mektep dırektoryn kinálaıdy. Bul týraly “Adyrna” ulttyq portaly Astana telearnasyna silteme jasap habarlaıdy.
M.Jumabaev atyndaǵy jalpy orta mekteptiń dırektory Aısara Staeva AstanaTV tilshilerine bergen suhbatynda eshkimge qysym jasamaǵanyn aıtqan, dep jazady Azattyq-ruhy.kz portaly.
«Tóraǵa retinde maǵan oryn berdi, men sol orynda otyrdym. Balanyń tóbesinen qarap, qasyna baryp eshteńe istegen joqpyn. Qysym? Qysym jasaǵan joqpyn», - deıdi M.Jumabaev atyndaǵy jalpy orta mekteptiń dırektory Aısara Staeva.
Qazir mektepte tergeýshilerden bólek arnaıy komıssııa jumys istep jatyr. Mán-jaıdy solar anyqtamaq.
«Shyǵarǵan esepteriniń bárin biz qarap jatyrmyz. Zerdeleý júrip jatyr. Qortyndysyn, nátıjesin bitkennen keıin aıtamyz árıne. Bizben birge qazir tergeý oryndary da qazir jumys júrgizip jatyr», - deıdi Túrkistan oblystyq adamı áleýetti damytý basqarmasynyń bólim basshysy, komıssııa ókili Álibek Kenjebaev.
Polıııa bul jaǵdaıǵa qatysty «Ózin-ózi óltirýge deıin jetkizý» baby boıynsha qylmystyq is qozǵady. Al, marqumnyń anasy Aıman Qanaıqyzy qyzy telefonyna hat jazyp qaldyrǵanyn aıtty.
«Telefonynda «Mama! Keshirińizshi! Sizdiń úmitińizdi aqtaı almadym. Sizdiń atyńyzǵa jaqsy at keltire almadym» degen soobenıesi tur eken. Ony jibermegen», - deıdi marqumnyń anasy.
