Türkıstan oblysynda 15 jastaǧy oquşy qyz mekteptegı emtihannan keiın özıne qol saldy. Qaiǧyly jaǧdai 2 mausymda Ordabasy audanyndaǧy Kökaral eldı-mekenınde bolǧan. Qara jamylǧan otbasy būǧan mektep direktoryn kınälaidy. Būl turaly “Adyrna” ūlttyq portaly Astana telearnasyna sılteme jasap habarlaidy.
M.Jūmabaev atyndaǧy jalpy orta mekteptıŋ direktory Aisara Staeva AstanaTV tılşılerıne bergen sūhbatynda eşkımge qysym jasamaǧanyn aitqan, dep jazady Azattyq-ruhy.kz portaly.«Töraǧa retınde maǧan oryn berdı, men sol orynda otyrdym. Balanyŋ töbesınen qarap, qasyna baryp eşteŋe ıstegen joqpyn. Qysym? Qysym jasaǧan joqpyn», - deidı M.Jūmabaev atyndaǧy jalpy orta mekteptıŋ direktory Aisara Staeva. Qazır mektepte tergeuşılerden bölek arnaiy komissiia jūmys ıstep jatyr. Män-jaidy solar anyqtamaq.
«Şyǧarǧan esepterınıŋ bärın bız qarap jatyrmyz. Zerdeleu jürıp jatyr. Qortyndysyn, nätijesın bıtkennen keiın aitamyz ärine. Bızben bırge qazır tergeu oryndary da qazır jūmys jürgızıp jatyr», - deidı Türkıstan oblystyq adami äleuettı damytu basqarmasynyŋ bölım basşysy, komissiia ökılı Älıbek Kenjebaev.Polisiia būl jaǧdaiǧa qatysty «Özın-özı öltıruge deiın jetkızu» baby boiynşa qylmystyq ıs qozǧady. Al, marqūmnyŋ anasy Aiman Qanaiqyzy qyzy telefonyna hat jazyp qaldyrǧanyn aitty.
«Telefonynda «Mama! Keşırıŋızşı! Sızdıŋ ümıtıŋızdı aqtai almadym. Sızdıŋ atyŋyzǧa jaqsy at keltıre almadym» degen soobşeniesı tūr eken. Ony jıbermegen», - deidı marqūmnyŋ anasy.
Ūqsas jaŋalyqtar
