Timur Qūlybaevtyŋ Halyk qaiyrymdylyq qorynyŋ «AUYL SPORT» jobasynyŋ şäkırtterı alǧaş ret halyqaralyq tatamide baq synap, el abyroiyn asqaqtatty. Ekı jülde - bükıl auylǧa şabyt pen senım syilaǧan tarihi sätke ainaldy.
Astanada ötken Kazakhstan Open 2025 halyqaralyq turnirı biyl erekşe oqiǧamen este qaldy. Qazaqstan karate federasiiasy ūiymdastyrǧan dodada alty elden kelgen 560-tan asa sportşy özara myqtyny anyqtady. Kata, kumite jäne komandalyq kumite boiynşa ötken 58 sanattaǧy tartys biyl auyl jastary üşın tarihi kezeŋge ainaldy. Sebebı alǧaş ret halyqaralyq arenada qazaqtyŋ auyl balalary öner körsettı. 
Būl – Timur Qūlybaevtyŋ Halyk qaiyrymdylyq qory jüzege asyryp jatqan «AUYL SPORT» nätijesı. Joba ırı käsıpker, sport janaşary Timur Qūlybaevtyŋ auyldaǧy talantty jastarǧa jol aşu jönındegı strategiialyq bastamasy. Onyŋ bastamasymen «Halyk» qory būqaralyq sportty qoldauǧa jüielı türde qarjy bölıp keledı.
Joba aiasynda ırıktelgen 6 auyl balasy el namysyn qorǧap, ekı bırdei jüldemen oraldy. Maŋǧystau oblysy Qyzylsai auylynyŋ 14 jastaǧy sportşysy Matjan Mädeniet 52 kelı salmaqta kümıs medal jeŋıp alsa, Basqūdyq auylynan Anişenko Zahar 60 kelı salmaqta qola jüldege ie boldy. Būl – bükıl auylǧa, ūstaz ben ata-anaǧa, jas jetkınşekke şabyt beretın tarihi sät. Sportşylar tatamige tek medal üşın emes, auyldyŋ namysyn arqalap şyqty.
«Būl menıŋ ǧana emes, menı baptaǧan jattyqtyruşymnyŋ, demeu bolǧan ata-anam men auyldastarymnyŋ jeŋısı. Alǧaş ret şetelden kelgen qarsylastarmen tatamige şyqtym. Qobaljydym, bıraq auyldyŋ ümıtın aqtau üşın barymdy saldym. Endı Älem chempiony bolamyn degen armanyma senemın. “AUYL SPORT” jobasyna jäne Halyk qoryna şeksız alǧys aitamyn», – deidı jas sportşy Matjan Mädeniet.
Aita keteiık, turnir qorytyndysy boiynşa, jastar qūramasy jasaqtalyp, 2025 jylǧy qyrküiekte Qytaidyŋ Hanchjou qalasynda ötetın Aziia chempionatyna joldama alady.
Tmur Qūlybaevtyŋ «Halyk» qory turnirdı joǧary deŋgeide ūiymdastyrǧan Qazaqstan karate federasiiasyna alǧys bıldırıp, jas sportşylardyŋ baǧyn aşuǧa yqpal etken käsıbilık pen adal eŋbektı erekşe atap öttı.
«Būl turnir auyl balalarynyŋ armanyna jol aşqan ülken alaŋ. Bızdıŋ maqsat – ärbır auyl balasyna öz darynyn tanytyp, ülken sportqa qadam basuǧa mümkındık beru. Kazakhstan Open 2025 – osy joldaǧy maŋyzdy beles. Būl mümkındık bügıngı jeŋısten de maŋyzdy», – dedı Halyk qaiyrymdylyq qorynyŋ atqaruşy direktory Ǧalymbek Jaqsylyqūly.
Aita keteiık, «AUYL SPORT» – Timur Qūlybaevtyŋ «Halyk» qaiyrymdylyq qory qolǧa alǧan maŋyzdy äleumettık joba. Baǧdarlama 2024 jyldan bastap auyldyq jerlerde būqaralyq sportty damytu, talantty balalardy qoldau jäne käsıbi sportqa baǧyttauǧa jūmys ısteidı. Bügınde būl bastama aiasynda elımızdıŋ tükpır-tükpırınde 10 myŋnan astam bala türlı sport türımen jüielı türde ainalysyp jür.
AUYL SPORT baǧdarlamasynyŋ tiımdılıgın däleldeitın taǧy bır aiǧaq – Serbiiada ötken GYMNASIADE halyqaralyq saiysynda 12 auyl balasynyŋ 6 medal jeŋıp aluy. Endı sol täjıribe Kazakhstan Open aiasynda jalǧasyp, auyl sportşylary halyqaralyq arenaǧa senımdı qadam basyp otyr.
Al Halyk qaiyrymdylyq qory – elımızdıŋ tükpır-tükpırındegı mūqtaj jandarǧa qoldau körsetıp, äleumettık jauapkerşılıktı serık etken ırı ūiym. Qor auyl sportyna ǧana 500 million teŋgege juyq qarjy bölıp qoimai, jalpy sany 120-dan astam äleumettık jobany jüzege asyryp, 85 milliard teŋge kölemınde qarajat jūmsaǧan.
