Prezident Qasym-Jomart Toqaevtyŋ Resei Federasiiasyna jūmys sapary aiasynda «Orta Aziia – Ortalyq» magistraldı gaz qūbyrymen Reseidıŋ tabiǧi gazyn Qazaqstan aumaǧy arqyly Özbekstanǧa tasymaldau jobasyn ıske qosu räsımı öttı, dep habarlaidy «Adyrna» ūlttyq portaly Ulysmedia.kz saityna sılteme jasap.
Saltanatty şaraǧa Memleket basşysymen qatar Resei Prezidentı Vladimir Putin jäne Özbekstan Prezidentı Şavkat Mirziioev qatysty.
Qasym-Jomart Toqaev öz sözınde būl tarihi oqiǧa Qazaqstan, Resei jäne Özbekstannyŋ energetika salasyndaǧy strategiialyq yntymaqtastyǧyn mülde jaŋa deŋgeige köteretının jäne elder arasyndaǧy tatu körşılık qatynastar jylnamasynyŋ taǧy bır jarqyn betın aşatynyn atap öttı.
– Gaz salasy memleketterımızdıŋ tūraqty äleumettık-ekonomikalyq damuynda zor röl atqarady deuge bolady. Sondyqtan būl joba barlyq qatysuşy taraptyŋ müddesıne sai keledı. Qazaqstan öz aumaǧynda magistraldı gaz qūbyryn daiyndaudy uaqtyly jäne tolyq aiaqtady. Joba Resei gazynyŋ eksportqa şyǧu baǧyttaryn ärtaraptandyryp, Qazaqstannyŋ gaz tasymaldau infraqūrylymyn keŋeituge jäne jaŋǧyrtuǧa septıgın tigızedı. Sondai-aq Özbekstannyŋ jylyna 3 milliard tekşe metrge deiın jetetın jäne jyldan-jylǧa artyp kele jatqan tabiǧi gazǧa degen qajettılıgın öteuge mümkındık beredı. Sonymen qatar ol elderımızdıŋ önerkäsıbın damytuǧa, biznes-ahualdy jaqsartuǧa, azamattardyŋ tūrmys deŋgeiın arttyruǧa tyŋ serpın beredı, – dedı Qazaqstan Prezidentı.Memleket basşysynyŋ pıkırınşe, joba Ortalyq Aziia aimaǧyndaǧy tūraqtylyq pen energetikalyq qauıpsızdıktı nyǧaitu ısınde eleulı röl atqarady
– Jylyna 255 milliard tekşe metrge deiın gaz tasymaldai alatyn magistraldı gaz qūbyrynyŋ 20 myŋ şaqyrymnan astam bölıgı elımızdıŋ aumaǧy arqyly ötedı. Qazaqstan özınıŋ tranzittık äleuetın tolyq paidalanuǧa müddelı jäne Resei gazyn tasymaldau kölemın odan ärı ūlǧaituǧa daiyn, – dedı Prezident.Qasym-Jomart Toqaev sözınıŋ soŋynda maŋyzdy transūlttyq jobany ılgerıletuge qosqan jeke ülesı üşın Vladimir Putinge, sondai-aq jan-jaqty qoldau körsetken Şavkat Mirziioevke rizaşylyǧyn bıldırdı. Memleket basşysy Qazaqstan, Resei jäne Özbekstannyŋ gaz salasyndaǧy mamandarynyŋ bırlesken jūmysty käsıbi deŋgeide ärı asa zor jauapkerşılıkpen atqarǧanyn atap öttı. Sonymen qatar şarada Vladimir Putin men Şavkat Mirziioev söz söiledı.
Ūqsas jaŋalyqtar
