Búgin - Halyq Qaharmany, Ekinshi Dúnıejúzilik soǵysta qazaqtan shyqqan tuńǵysh ushqysh áıel, osydan 100 jyl buryn dúnıege kelgen jaýynger Hıýaz Dospanovanyń týǵan kúni.
Hıýaz Qaıyrqyzy Dospanova – 1922 jyldyń 15 mamyrynda Atyraý oblysy Ganıýshkın aýylyndaǵy qarapaıym balyqshynyń shańyraǵynda dúnıege kelgen. Oqýshy kezinen komsomol uıymynda qoǵamdyq jumystarda belsendilik tanytanyn Hıýaz apamyz mektep qabyrǵasyn aıaqtarda ushqyshtardy daıarlaıtyn arnaıy kýrsqa jazylady. Mektepti támamdaǵannan keıin № 1 Máskeý medıına ınstıtýtynda oqýǵa attanady. Osy oqý ornynyń 1-kýrsyn aıaqtar ýaqytta aıaqasty soǵys órti lap berdi.
Ekiniń biri armandasa da, ilkide bireý ǵana ushqysh bolady. Kók aspannyń tórinde áýeleýdi ańsaǵan Hıýaz bala armanyna soǵys bastalǵanda jetti. Marına Raskova basshylyq jasap, Keńes áskerine kómek retinde tek áıelderden quralǵan túngi bombalaýshy-ushqyshtar polki quryldy. Keıinnen jasaǵan erlikterine saı Qyzyl Tý ordendi Taman gvardııalyq, 3-dárejeli Sývorov ordendi túngi bombalaýshy áýe polki dep atalǵan názik jandylardyń qatarynda jalǵyz qazaq qyzy boldy.
“Adyrna” ulttyq portaly
