بۇگىن - حالىق قاھارمانى، ەكىنشى دۇنيەجۇزىلىك سوعىستا قازاقتان شىققان تۇڭعىش ۇشقىش ايەل، وسىدان 100 جىل بۇرىن دۇنيەگە كەلگەن جاۋىنگەر حيۋاز دوسپانوۆانىڭ تۋعان كۇنى.
حيۋاز قايىرقىزى دوسپانوۆا – 1922 جىلدىڭ 15 مامىرىندا اتىراۋ وبلىسى گانيۋشكين اۋىلىنداعى قاراپايىم بالىقشىنىڭ شاڭىراعىندا دۇنيەگە كەلگەن. وقۋشى كەزىنەن كومسومول ۇيىمىندا قوعامدىق جۇمىستاردا بەلسەندىلىك تانىتانىن حيۋاز اپامىز مەكتەپ قابىرعاسىن اياقتاردا ۇشقىشتاردى دايارلايتىن ارنايى كۋرسقا جازىلادى. مەكتەپتى تامامداعاننان كەيىن № 1 ماسكەۋ مەديتسينا ينستيتۋتىندا وقۋعا اتتانادى. وسى وقۋ ورنىنىڭ 1-كۋرسىن اياقتار ۋاقىتتا اياقاستى سوعىس ءورتى لاپ بەردى.
ەكىنىڭ ءبىرى ارمانداسا دا، ىلكىدە بىرەۋ عانا ۇشقىش بولادى. كوك اسپاننىڭ تورىندە اۋەلەۋدى اڭساعان حيۋاز بالا ارمانىنا سوعىس باستالعاندا جەتتى. مارينا راسكوۆا باسشىلىق جاساپ، كەڭەس اسكەرىنە كومەك رەتىندە تەك ايەلدەردەن قۇرالعان تۇنگى بومبالاۋشى-ۇشقىشتار پولكى قۇرىلدى. كەيىننەن جاساعان ەرلىكتەرىنە ساي قىزىل تۋ وردەندى تامان گۆارديالىق، 3-دارەجەلى سۋۆوروۆ وردەندى تۇنگى بومبالاۋشى اۋە پولكى دەپ اتالعان نازىك جاندىلاردىڭ قاتارىندا جالعىز قازاق قىزى بولدى.
“ادىرنا” ۇلتتىق پورتالى
