Jaŋaözendegı «Būrǧylau» JŞS jūmysşylary jūmystyŋ toqtatylatynyn aityp, jalaqylaryn köterudı talap etken bolatyn. Al qazır «Būrǧylau» JŞS jūmyskerlerdıŋ jalaqysy saladaǧy eŋ joǧary körsetkışterdıŋ qatarynda ekenın basa aitty, dep habarlaidy "Adyrna" ūlttyq portaly.
Kompaniia basşylyǧy qyzmetkerlerdı Qazaqstan Respublikasynyŋ qoldanystaǧy eŋbek zaŋnamasyna säikes qoiylǧan barlyq talaptardy syndarly talqylau üşın kelıssöz üstelıne otyruǧa şaqyrdy.
– «Būrǧylau» JŞS jūmysşylarynyŋ jalaqysy qazırdıŋ özınde saladaǧy eŋ joǧarylardyŋ qatarynda. Käsıporyn boiynşa ortaşa ailyq jalaqy 2021 jyldyŋ qorytyndysy boiynşa 887 myŋ teŋgenı qūrady. Sonymen bırge, ūjymdyq şartqa säikes jalaqy jyl saiyn infliasiia deŋgeiıne qarai köterıledı. Osylaişa, 2008-2021 jyldar aralyǧyndaǧy ortaşa jalaqy 158 myŋnan 887 myŋ teŋgege deiın östı. Al 2022 jyldyŋ 1 qaŋtarynan bastap ol taǧy 10 paiyzǧa östı, dep habarlady kompaniia.Mysaly, 2022 jyly 5-razriadtaǧy öndıru-barlau būrǧylauşysynyŋ ailyq tariftık mölşerlemesı 543 112 teŋge, būrǧylauşy kömekşısı - 451 463 teŋge. Būl "taza" jalaqy. Bıraq jūmys rejimın, qosymşa tölemder men syiaqylardy esepke alǧanda, bır būrǧylauşynyŋ ortaşa jalaqysy 1 098 191 teŋgenı, al pomburşynykı 912 874 teŋgenı qūraidy. Eske salaiyq, 9 aqpanda Maŋǧystau oblysyndaǧy ken oryndarynda mūnai käsıpşılık qyzmetın körsetetın «Būrǧylau» kompaniiasynyŋ 400-ge juyq qyzmetkerı jūmysyn toqtatqan bolatyn. Olar memleketke jūmys beruşıge kemınde bır million teŋgeden kem emes jalaqyny belgıleu, ūjymdyq şarttyŋ talaptaryn qaita qarau, kompaniiany «QazMūnaiGaz» ŪK AQ-na beru, jūmysşylardy autstaffingke auystyru siiaqty onnan astam talap qoidy.
"Adyrna" ūlttyq portaly
Ūqsas jaŋalyqtar
