Adyrna ūlttyq portalynda «Ūly Otan soǧysy. Mamyrda ataluy tiıs – jeltoqsanǧa jyljyǧan ne şara?» atauymen material jariialaǧan bolatyn. Aqtöbe oblysynyŋ mädeniet, arhivter jäne qūjattama basqarmasy biyl 9 mamyrda ötuı tiıs Jeŋıs merekesın jeltoqsan aiynda toilaǧanyn moiyndady, - dep habarlaidy Adyrna ūlttyq portaly.
Adyrna portaly 6 qaraşa künı Aqtöbe oblysynyŋ mädeniet, arhivter jäne qūjattama basqarmasy «Aqtöbe oblysynyŋ ızdestıru jasaǧynyŋ patriottyq tärbienı qalyptastyruǧa baǧyttalǧan Ūly Otan soǧysy tarihy boiynşa ıs-şaralar ötkızu» degen taqyryppen tender jariialaǧanyn, atauynyŋ özı tüsınıksız häm küŋgırt şarany ötkızuge oblys biudjetınen 1 mln 339 myŋ 285 teŋge qarjy bölıngenın, tender jeŋımpazy 26 qaraşa künı anyqtalǧanyn jazǧan edı.
Sondai-aq, portal tılşılerı Mädeniet basqarmasyna:
«1. Aqtöbe oblysy Jeltoqsan oqiǧasy qūrbandaryn eske alatyn jäne Täuelsızdık künı toilanatyn aida Jeŋıs meiramyn atap ötpek pe?
2. Aqtöbe oblysynyŋ Mädeniet basqarmasy Ūly Otan soǧysy atauyn betperde etıp, dūrys baǧytta jūmsalmai qalǧan qarjyny jyl aiaǧyna deiın igerıp ülgermudı közdep otyrǧan joq pa?» degen ekı saual joldaǧan bolatyn.
Atalǧan saualdarǧa Aqtöbe oblysynyŋ mädeniet, arhivter jäne qūjattama basqarmasynyŋ basşysy A.Iýnisova tömendegıdei jauap bergen:
Qazaqstan Respublikasynyŋ 2005 jylǧy 12 säuırdegı N 36 «Qazaqstan Respublikasyndaǧy memlekettık äleumettık tapsyrys, strategiialyq ärıptestıktı ıske asyruǧa arnalǧan memlekettık tapsyrys, ükımettık emes ūiymdarǧa arnalǧan granttar jäne syilyqaqylar turaly» Zaŋynyŋ 5-baby 12 tarmaqşasyna säikes Aqtöbe oblysynyŋ arhivter jäne qūjattama mädeniet basqarmasymen memlekettık äleumettık tapsyrys aiasynda 2023 jylǧa «Aqtöbe oblysynyŋ ızdestıru jasaǧynyŋ patriottyq tärbienı qalyptastyruǧa baǧyttalǧan ŪOS tarihy boiynşa ıs-şaralar ötkızu» taqyrybymen habarlandyru 2023 jylǧy 14 aqpanda jariialanǧan bolatyn.
Alǧaşqy lot boiynşa ötınımder tüspeuıne jäne konkursqa qatysuǧa bır äleuettı önım beruşınıŋ jıberıluıne bailanysty jyldyŋ basynan berı habarlandyrular 5 ret berıldı. Sol sebeptı, jyl boiy konkursqa talapqa säikes ötınım tüspegendıkten, atalǧan şaranyŋ konkurs nätijesı boiynşa ü.stımızdegı jyldyŋ qaraşa aiynda ūiymdastyruşy ükımettık emes ūiym anyqtalyp, şarany ötkızu jeltoqsan aiyna belgılendı.
Sonymen qatar, jeltoqsan aiynda Täuelsızdık künı, Jeltoqsan qūrbandaryn eske alu şaralary oblystyŋ mädeniet jäne öner mekemelerınde josparlanyp ūdaiy türde ötkızılıp tūratyndyǧyn qaperıŋızge salamyz» delıngen.
9 mamyr – Jeŋıs künı merekesın toilauǧa arnalǧan tenderı ötpei qalsa, ol merekenı jeltoqsan aiynda toilau kerek pe? İgerılmegen qarjyny basqa maqsatqa paidalanuǧa bolmas pa edı?
Qanat Bırlıkūly
Adyrna ūlttyq portaly
