Adyrna ulttyq portalynda «Uly Otan soǵysy. Mamyrda atalýy tıis – jeltoqsanǵa jyljyǵan ne shara?» ataýymen materıal jarııalaǵan bolatyn. Aqtóbe oblysynyń mádenıet, arhıvter jáne qujattama basqarmasy bıyl 9 mamyrda ótýi tıis Jeńis merekesin jeltoqsan aıynda toılaǵanyn moıyndady, - dep habarlaıdy Adyrna ulttyq portaly.
Adyrna portaly 6 qarasha kúni Aqtóbe oblysynyń mádenıet, arhıvter jáne qujattama basqarmasy «Aqtóbe oblysynyń izdestirý jasaǵynyń patrıottyq tárbıeni qalyptastyrýǵa baǵyttalǵan Uly Otan soǵysy tarıhy boıynsha is-sharalar ótkizý» degen taqyryppen tender jarııalaǵanyn, ataýynyń ózi túsiniksiz hám kúńgirt sharany ótkizýge oblys bıýdjetinen 1 mln 339 myń 285 teńge qarjy bólingenin, tender jeńimpazy 26 qarasha kúni anyqtalǵanyn jazǵan edi.
Sondaı-aq, portal tilshileri Mádenıet basqarmasyna:
«1. Aqtóbe oblysy Jeltoqsan oqıǵasy qurbandaryn eske alatyn jáne Táýelsizdik kúni toılanatyn aıda Jeńis meıramyn atap ótpek pe?
2. Aqtóbe oblysynyń Mádenıet basqarmasy Uly Otan soǵysy ataýyn betperde etip, durys baǵytta jumsalmaı qalǵan qarjyny jyl aıaǵyna deıin ıgerip úlgermýdi kózdep otyrǵan joq pa?» degen eki saýal joldaǵan bolatyn.
Atalǵan saýaldarǵa Aqtóbe oblysynyń mádenıet, arhıvter jáne qujattama basqarmasynyń basshysy A.Iýnısova tómendegideı jaýap bergen:
Qazaqstan Respýblıkasynyń 2005 jylǵy 12 sáýirdegi N 36 «Qazaqstan Respýblıkasyndaǵy memlekettik áleýmettik tapsyrys, strategııalyq áriptestikti iske asyrýǵa arnalǵan memlekettik tapsyrys, úkimettik emes uıymdarǵa arnalǵan granttar jáne syılyqaqylar týraly» Zańynyń 5-baby 12 tarmaqshasyna sáıkes Aqtóbe oblysynyń arhıvter jáne qujattama mádenıet basqarmasymen memlekettik áleýmettik tapsyrys aıasynda 2023 jylǵa «Aqtóbe oblysynyń izdestirý jasaǵynyń patrıottyq tárbıeni qalyptastyrýǵa baǵyttalǵan UOS tarıhy boıynsha is-sharalar ótkizý» taqyrybymen habarlandyrý 2023 jylǵy 14 aqpanda jarııalanǵan bolatyn.
Alǵashqy lot boıynsha ótinimder túspeýine jáne konkýrsqa qatysýǵa bir áleýetti ónim berýshiniń jiberilýine baılanysty jyldyń basynan beri habarlandyrýlar 5 ret berildi. Sol sebepti, jyl boıy konkýrsqa talapqa sáıkes ótinim túspegendikten, atalǵan sharanyń konkýrs nátıjesi boıynsha ú.stimizdegi jyldyń qarasha aıynda uıymdastyrýshy úkimettik emes uıym anyqtalyp, sharany ótkizý jeltoqsan aıyna belgilendi.
Sonymen qatar, jeltoqsan aıynda Táýelsizdik kúni, Jeltoqsan qurbandaryn eske alý sharalary oblystyń mádenıet jáne óner mekemelerinde josparlanyp udaıy túrde ótkizilip turatyndyǵyn qaperińizge salamyz» delingen.
9 mamyr – Jeńis kúni merekesin toılaýǵa arnalǵan tenderi ótpeı qalsa, ol merekeni jeltoqsan aıynda toılaý kerek pe? Igerilmegen qarjyny basqa maqsatqa paıdalanýǵa bolmas pa edi?
Qanat Birlikuly
Adyrna ulttyq portaly
