Facebook äleumettık jelısınde keş qyzylordalyq belsendı azamat Üitolǧan Jareke 4 synyp oquşysy kovidten qaitys bolǧany turaly jazba qaldyrdy. Būl turaly «Adyrna» ūlttyq portaly avtordyŋ jazbasyna sılteme jasap habarlaidy.
«Qalamyzdaǧy №8 mekteptıŋ 4 synyp oquşysy bügın taŋda qaitys bolypty. Pnevmoniiamen auruhanaǧa tüsken eken. Allam ata-anasyna sabyr bersın. №5 mektep oquşysy da kovidpen auyryp jatyr degen aqparat bar.
Osy kezekşı synyp degenderdı ata-ana mazany alǧasyn aşty dep oilaimyn. Odan qaldy oflaindaǧy balanyŋ bärın jeke mektep, oqu ortalyqtaryna berıp qoidyq. Jazdaǧy jaǧdaidy tez ūmytyp kettık. Oqu da, ülgerım de balanyŋ amandyǧynan artyq emes. Barlyq mektepter, tıptı jeke mektepter de onlainǧa auystyrylsyn. Mäselenı uşyqtyryp alyp opynyp otyrmaiyq.
Ata-analar, balalardy kezekşı synypqa da jıbermeŋızder» dep jazdy Üitolǧan Jareke. Būl jazbaǧa qatysty pıkır bıldırgen ata-analar balasyn mektepke jıbermeudı aityp, kezekşı synyptardy jabudy sūrap jatyr. Alaida äzırge jauapty mekemelerden atalǧan jaǧdaiǧa bailanysty eşbır resmi tüsınık berılmedı.
Ūqsas jaŋalyqtar
