Qazırgı bılım beru evoliusiiasynyŋ negızgı baǧyttary oquşylardyŋ äleuetın damytuǧa jäne nätijege baǧyttalǧan oqytu bolyp tabylady. Būrynǧydai oquşylar synypta ūzaq uaqyt otyryp, bır ǧana mälımet közınen bılım alu täsılı qazırgı zamanǧy talaptarǧa sai kelmeidı. Oquşylarǧa onlain jäne dästürlı bılım beru formalarynyŋ elementterı bar jaŋa, derbestendırılgen jäne interaktivtı oqytu ortasy qajet, dep habarlaidy “Adyrna” tılşısı Baq.kz saityna sıltep.
Bügınde elımızde, gibridtı oqu jobasyn sättı ıske asyryp jatqan Zerdeli aqyl-oi damytu mektebı, ekı jüienı bırıktıp jaŋa oqu baǧdarlamasyn ūsynuda. Mäselen, gibridtı joba 3 baǧytta jüredı: ŪSTAZ + ZERDELI.APP + KITAP.
Ärbırıne jeke-jeke toqtalyp ketsek.
Ūstaz – bılım berudegı innovasiialyq jüienı qoldanady. Ol balamen jeke jūmys jasai otyryp, teoriiadan görı, täjıribege köp nazar audarady. Arnaiy baǧdarlama arqasynda, ūstaz qysqa uaqyt ışınde bırneşe taqyrypty pysyqtai alady.
Zerdeli.arr – bıregei avtorlyq baǧdarlama. Būl keşendı platformada oquşylar videosabaqty köre alady, üi jūmysyn jasaidy, qajettı materialdy ızdep tauyp, taqyrypty pysyqtaidy. Videosabaqtar qūramy bılıktı ūstazdardyŋ pän kurstary, animasiialarmen qamtylǧan qyzyqty formattaǧy beineler, qiyn taqyryptardy jeŋıldedıp tüsındıru tehnologiialary. Būl platformada bala özdıgınen sabaq oqyp, üi jūmysyn oryndaidy.
Oqulyqtar – būl Zerdelı ortalyǧynyŋ avtorlyq oqulyqtary. Būl kıtaptar ärbır oquşyǧa tegın berıledı. Osy oqulyqtardyŋ negızınde, bala tolyqqandy bılım alady. Öitkenı atalmyş kıtaptar, bıregei baǧdarlamada öz ornyn oiyp alǧan.
Aityp otyrǧan, gibridtı oqu jobasy bırneşe jyl boiy bılıktı ūstazdar ortasynda pysyqtaldy. Sondyqtan basy-aiaǧy jūp-jūmyr baǧdarlama bolyp otyr. Onyŋ kömegımen, oquşy şalǧai auylda otyryp, astanalyq bılım deŋgeiıne qol jetkıze alady. Sondai-aq, dästürlı mektepterdıŋ oqu qūny 300 000 teŋgeden jyǧylyp artylsa, gibridtı oqu jobasynyŋ qūny ne bärı 50 000 teŋge bolyp otyr eken. Būl elımızdıŋ törtkül būryşyndaǧy balalar sapaly bılımge qol jetkızetın joba. Oquşylar būl baǧdarlamada oqyp qana qoimai, är ai saiyn arnaiy bılım deŋgeiın, qabıletın tekseretın testten ötıp otyrady. Būl balanyŋ kurs bastamas būrynǧy bılım deŋgeiın jäne kurs uaqytyndaǧy bılım deŋgeiın salystyryp otyruǧa kömektesedı.
Jaŋa sandyq tehnologiialardy qoldanuǧa negızdelgen ädıs oquşylardy synyptan tys uaqytta da jūmysqa yntalandyratyn şyǧarmaşylyq, interaktivtı oqytu ortasyn qūruǧa yqpal etedı. Oquşy tek ūstazdyŋ sūrauymen emes, özdıgınen oquǧa küş salady.
Al äzırşe, būl jobanyŋ tūsauy kesılıp, basqan qadamy nyq bolǧanyn kütemız. Öitkenı myŋ qūbylǧan uaqytta, balanyŋ bılıktı bılım aluy bärımızdıŋ basty maqsatymyz, degenmen ata-analardyŋ balalaryna sapaly bılım beruıne de bıraz qarajat jūmsaityny belgılı. Osy tūrǧydan, Zerdeli aqyl-oi damytu mektebınıŋ gibrittı oqytu jobasy, bar tüiınıŋ kürmeuın şeşemız dep otyr.
Zerdeli aqyl-oi damytu mektebınıŋ gibrittı oqytu jobasy bılım berudegı revoliusiialyq serpılıs. Onyŋ maŋyzdylyǧyn respublika boiynşa oquşylar bılım deŋgeiı ülken körsetkışke jetken kezde köremız.
