Qazaqstan reseilık «Sber» kompaniialar tobymen memlekettık qyzmetterdı körsetudıŋ jaŋa sifrlyq platformasyn engızu turaly kelısımnen bas tartty jäne platformany öz küşımen äzırleudı josparlap otyr. Būl turaly sifrlyq damu jäne aeroǧaryş önerkäsıbı vise-ministrı Asqar Jambaqin aitty, dep habarlaidy “Adyrna” ūlttyq portaly.
«Qazır geosaiasi jaǧdaiǧa jäne öz mümkındıkterımızdı qaita qarastyruǧa bailanysty «ŪAT» AQ-pen qazaqstandyq IT-kompaniialardy tarta otyryp, öz küşımızben platforma jasau turaly şeşım qabyldandy. Tehnikalyq-ekonomikalyq negızdeme jūmystary jürgızılıp jatyr. Biyl jyldyŋ aiaǧyna deiın jaŋa platformanyŋ alǧaşqy qyzmetterı äzırlenıp, qoldanyla bastaidy», — dedı Jambaqin OQK-da ötken brifingte jurnalister sūraǧyna jauap berıp.Aituynşa, jaŋa platformany tolyq äzırleu jäne engızu şamamen 2-3 jylǧa sozylady. Eske salaiyq, būǧan deiın Sifrlyq damu, innovasiialar jäne aeroǧaryş önerkäsıbı ministrı Baǧdat Musin Qazaqstanda memlekettık qyzmetterdı körsetudıŋ jaŋa sifrlyq platformasyn engızu josparlanǧanyn tüsındırıp ötken bolatyn. Keiın Qazaqstan Ükımetı men «Sberbank Rossii» qol qoiǧan sifrlyq transformasiia jönındegı jobalar salasyndaǧy yntymaqtastyq turaly memorandumnyŋ jaǧdaiy belgılı boldy.
”Adyrna” ūlttyq portaly
Ūqsas jaŋalyqtar
