Búgin Qostanaıda «Aýyl sharýashylyǵy – myqty ekonomıkanyń negizi» taqyrybynda Qazaqstan men Reseıdiń XIX óńiraralyq yntymaqtastyq forýmy ótti. Forýmǵa Qazaqstan Prezıdenti Qasym-Jomart Toqaev pen Reseı prezıdenti Vladımır Pýtın beınebaılanys rejıminde qatysty.
Sondaı-aq, óńiraralyq alańda bıznes, salalyq memlekettik organ, vedomstvolar, ǵylymı top ókilderi, eki el óńirleriniń basshylary jınalady.
Forým Qazaqstan-Reseı Iskerlik keńesiniń otyrysynan bastalyp, qatysýshylar shekaralas óńirlerdiń aýyl sharýashylyǵy salasyndaǵy yntymaqtastyǵynyń ózekti máselelerin, sonyń ishinde aýyl sharýashylyǵy tehnıkasyn jasaý, AÓK-degi kólik ınfraqurylymyn damytý men aýyl sharýashylyǵy jobalaryn tehnıkalyq súıemeldeý máselelerin qozǵady. Bul jóninde “Adyrna” ulttyq portalyna Qazaqstan Respýblıkasy Parlamenti Májilisiniń Qarjy jáne bıýdjet komıtetiniń múshesi Ábil Erkin Amanjoluly aıtyp berdi.
“Óńiraralyq forým búgin tańerteń jumysyn bastady. Osy forým barysynda birneshe jeke is-sharalar ótti, jalpy otyz shaqty Reseı men Qazaqstan óńirleriniń ókilderi qatysty.
Bul ótkizilip jatqan eń alǵashqy forým emes, 2019 jyly ótken bolatyn. Jalpy, Qostanaı úshin óńirlermen qarym-qatynas, ekonomıkalyq, mádenı, gýmanıtarlyq qarym-qatynas óte mańyzdy. Sondyqtan qazir óńirler damýyna kóp nazar aýdaryp jatyrmyz. Salyq kodeksin, bıýdjet kodeksin ózgertip, salyqtardyń kóp bóligin óńirlerde qaldyryp, ákimshilik reformany ótkizip, jergilikti bılikti kúsheıtip, ákimderdi saılap jatyrmyz. Bolashaq úshin bizge myqty ekonomıkalyq damyǵan óńirler kerek. Sondyqtan kórshi eldermen qarym-qatynas tek qana ulttyq deńgeıde emes, sonymen birge óńirlik deńgeıde damýy kerek. Osyndaı óńiraralyq forým tikeleı Reseı men Qazaqstan shekaralas óńirleriniń damýyna,qarym-qatynas jasaýǵa tikeleı múmkindik beredi”, dedi Erkin Amanjoluly.
Sondaı-aq, ol Qazaqstannyń aýyl sharýashylyǵy reseılik básekelesterdiń saldarynan tómendep qalǵanyn aıtty. Aıtýynsha, osyndaı forým arqyly aýyl sharýashylyq máselesin sheshý qajet.
”Mańyzdy máselelerdiń biri - aýyl sharýashylyq kooperaııasy. Ókinishke oraı biz sońǵy kezge deıin osy salada bir-birimizben básekede boldyq. Bıylǵy jyl ony óte jaqsy kórsetti. Myna kishkentaı naryqta, ózi tar jerde biz bir-birimizge báseke bolyp, aıaǵynda Reseıdiń de, bizdiń de óndirýshiler shyǵynǵa ushyrady. Biz ózimizdiń bıdaıdy ósire almaı, sata almaı, Reseıdiń bıdaıy tym arzan baǵamen satylyp, eki jaqta shyǵynǵa ushyrady. Sondyqtan bolashaqta osyndaı bolmas úshin bizge birigip syrtqy naryqqa shyǵý kerek. Álem halqynyń sany ósip jatyr. Qazirdiń ózinde myna azyq-túlik defııti 1 mıllıardqa jaqyn halyqqa tapshy bolyp jatyr. Sondyqtan bizde naryqqa shyǵýǵa múmkindik bar. Ol úshin biz kúshimizdi biriktirýimiz kerek. Qazaqstanǵa qazir osy aýyl-sharýashylyq salasyna ınvestıııalar kerek. Bizge bıdaıdyń tereń óńdeýi qajet. Bul tek qana un jasaý ǵana emes, bıdaıdy keptirip satý ǵana emes, bizge ony tereń óńdep, ártúrli hımıkalyq ónimderdi bıdaıdan jasaý kerek. Mysaly: bıdaıdan glıýten, glıýkoza, krahmal jasaýǵa bolady. Krahmaldan kóptegen basqa ónimder jasaýǵa bolady. Ol ınvestıııasyz bolmaıdy. Sondyqtan osy jaǵyn da oılaný kerek. Forým birge báseke bolmaı, birge jumys isteýge septigin tıgizedi.
Búgingi óńiraralyq forým - Qazaqstannyń ekonomıkasyn damytýǵa arnalǵan qural. Reseıdiń ishki nemese syrtqy saıasatyna kózqarasymyz qandaı bolsa da, Reseı bizdiń kórshimiz ekenin umytpaıyq. Ol bizdiń kórshimiz bolyp qalady, bola da bermek. Sondyqtan úlken kórshimizben teke-tireske túspeı, eki jaq úshin úlken jobalar jasaýymyz kerek”, dedi Erkin Amanjoluly.
“Adyrna” ulttyq portaly
