Qazaqstan Respublikasynyŋ syrtqy ıster ministrlıgı Leningrad oblysynda bolǧan jappai töbeleske qatysty jaŋa derekter jariialady, dep habarlaidy "Adyrna" ūlttyq portaly.
26 nauryz 2026 jyly Ust-Luga auylynda tūrmystyq sipattaǧy janjal oryn alyp, oǧan Qazaqstan azamattary da qatysqan.
Erlan Jetıbaev mälımdegendei, Resei Federasiiasynyŋ qūqyq qorǧau organdary oqiǧanyŋ barlyq jaǧdaiyn jan-jaqty jäne obektivtı anyqtau üşın qajettı prosessualdy şaralardy ötkızgen. Onyŋ ışınde janjalǧa qatysuşylardyŋ uaqytşa ūstaluy da qarastyrylǧan.
Jetıbaev atap ötkendei, Qazaqstan azamattary arasynda auyr jaraqat alǧandar nemese auruhanaǧa jatqandar joq. Sonymen qatar, oqiǧa ornyndaǧy jaǧdai tūraqty jäne qūqyq qorǧau qyzmetterınıŋ baqylauynda.
Syrtqy ıster ministrlıgı Sankt-Peterburgtegı Qazaqstannyŋ Bas konsuldyǧy reseilık qūqyq qorǧau organdarymen tūraqty bailanysta jūmys ıstep jatqanyn habarlady.
