24 jäne 25 şılde künderı Jambyl men Almaty oblystaryndaǧy respublikalyq maŋyzy bar avtojoldarda ekı auyr jol-kölık oqiǧasy oryn aldy, dep habarlaidy "Adyrna" ūlttyq portaly.
Būl turaly «QazAvtoJol» ūlttyq kompaniiasynyŋ baspasöz qyzmetı habarlaǧan.
24 şılde künı saǧat 09:40-ta Jambyl oblysy Moiynqūm audanyndaǧy Qaşqanteŋız stansiiasy maŋynda, «Astana – Qaraǧandy – Almaty» avtojolynyŋ 451-şaqyrymynda Toyota Alphard markaly kölık ekskavator-pogruzchikpen soqtyǧysty. Aldyn ala mälımet boiynşa, jürgızuşı jyldamdyq pen qauıpsız qaşyqtyqty saqtamaǧan, saldarynan jol apaty oryn alǧan. Apat saldarynan tört adam qaza tauyp, ekı adam jaraqat aldy.
25 şıldede saǧat 10:15-te, Almaty oblysy Jambyl audany Samsy auyly maŋynda, KAZ-06 respublikalyq avtojolynyŋ 81+500 şaqyrymynda Toyota Alphard kölıgı doŋǧalaqty traktormen soqtyǧysty. Būl jol uchaskesınde sol sätte jol jöndeu jūmystary jürgızılıp jatqan. Qajettı barlyq uaqytşa belgıler qoiylǧan, alaŋda 9 jūmysşy men 5 tehnika bolǧan.
Aldyn ala mälımet boiynşa, jürgızuşı jyldamdyqty asyrǧan, jük kölıgın oŋ jaqtan basyp ozuǧa äreket jasap, qorşalǧan aimaqqa kırıp ketken. Nätijesınde jol jöndeu tehnikasymen soqtyǧysqan. Apat saldarynan 6 adam qaza tauyp, onyŋ ışınde bıreuı jol qyzmetkerı bolǧan. Taǧy ekı adam jaraqat alǧan.
Aita keteiık, ai basynda, 5 şılde künı Qaraǧandy oblysyndaǧy Aqşatau kentı maŋynda qaiǧyly jol apaty bolǧan edı.
Oblystyq polisiia departamentınıŋ mälımetınşe, Balqaş baǧytynda kele jatqan Kia Sedona jürgızuşısı jol belgılerıne män bermei, basqa kölıktı basyp ozǧan. Onyŋ saldarynan kölık jöndeu jürıp jatqan aumaqqa ūşyp kelıp, keiın kölık qorşauǧa soǧylǧan. Soqtyǧysudan keiın kölık örtenıp, 7 adam oqiǧa ornynda jan tapsyrdy.
