Bügın qoǧam belsendısı Oǧyz Doǧan Qazkom bankınıŋ Astana qalasyndaǧy Saryarqa filialyna baryp, memlekettık tılde esepşot aştyra almai, bıraz qiyndyqqa tap boldy. Būl turaly Oǧyz Doǧan özınıŋ Feisbuktegı paraqşasynda video jariialaǧan.
Videoǧa köz salsaq, bank menedjerınıŋ qazaq tılınde söileuden bas tartqanyn köruge bolady. Söilemegenımen qoimai, klienttıŋ talabyna män bermesten küzetşınıŋ janyna bardy (quyp şyǧyŋyzdar dep ötıngısı keldı me eken, ne aitqany estılmedı - avt.).
Sosyn özın osy filialdyŋ basşysy dep tanystyrǧan Äliia esımdı äiel keldı. Klient oǧan qyzmetkerdıŋ qazaqşa söileuden bas tartqanyn aityp şaǧymdanyp edı, ol qūlaq aspady.
Kerısınşe Oǧyz Doǧanǧa orysşa "uberite kameru" dep zekıdı. Onyŋ būl sözın tüsınbegen Oǧyz Doǧan qazaqşa söileŋız dep ötındı, bıraq Äliia esımdı äiel ony jaqtyrmaǧan syŋai tanytyp, öz qyzmet ornyna ketıp qaldy. Ol tek kamerany öşırgen jaǧdaida ǧana klientpen söilesetının aitty.
Qazaqşa bıletın bır qyzmetker klientke qyzmet körsetkısı kelgenımen, ol kamerany öşırudı talap ettı.
"Ne üşın videoǧa tüsıruge bolmaidy?" degen sūraqqa bank qyzmetkerlerı bır auyzdan "bolmaidy" dep qana jauap berıp jatty. Alaida qai zaŋnyŋ şeŋberınde tüsıruge bolmaitynyn tüsındırıp bere almady.
Aqyr soŋynda qazaqşa söilegısı kelmegen banktıŋ küzetşılerı klienttı, iaǧni Oǧyz Doǧandy iterıp-iterıp, bankten quyp şyqty. Küzetşı de ne üşın tüsıruge bolmaitynyn aita almady.
7 minut boiy klientke kamera aldynda qazaqşa qyzmet körsetuge ynta tanytqan jan bolmady. Barlyǧy da äuelı kamerany öşırudı talap ettı.
http://www.matritca.kz
