Búgin Memleket basshysy Qasym-Jomart Toqaev Soltústik Qazaqstan oblysynyń ákimi Qumar Aqsaqalovtyń Petropavl qalasyndaǵy jylý elektr ortalyǵynda bolǵan apat saldaryn joıý jumystarynyń barysy týraly esebin tyńdady, dep jazady "Adyrna" ulttyq portaly. Bul týraly memleket basshysynyń baspasóz hatshysy Berik Ýálı habarlady.
Apat saldarynan turǵyn úıler men qyzmettik mekemeler jylýsyz qalǵan bolatyn. Ákimniń aıtýynsha, jumys komıssııasy qurylǵan. Onyń quramyna ákimdiktiń, TJM-niń jáne basqa da quzyrly vedomstvolardyń qyzmetkerleri, sondaı-aq atalǵan salanyń jobalaýshylary men mamandary engen. Kompanııa basshysy – jylý elektr ortalyǵynyń menshik ıesi keledi dep kútilýde. Prezıdent oblys ortalyǵy men basqa da eldi mekenderdiń turǵyndaryn tez arada jylýmen qamtamasyz etýdi tapsyrdy, - delingen habarlamada.
"Adyrna" ulttyq portaly
