Qazaqstandyqtar üşın maŋyzdy meiramdardyŋ bırı - Jeŋıs künı jaqyndap qaldy. Today.kz redaksiiasy ŪOS ardagerlerıne meiramǧa orai berıletın tölemder men syilyqtar kölemın anyqtaǧan bolatyn.
Aqmola oblysynda Jeŋıstıŋ 73 jyldyǧyna orai 6703 ardagerge aqşalai syilyq daiyndap otyr. Kökşetau qalasynyŋ soǧys aradagerlerıne 250 myŋ teŋgege deiın syiaqy berıledı. Al oblystyŋ qalǧan eldımekenderınıŋ soǧys ardagerlerıne 182 780 teŋge kölemınde syiaqy berıledı
Al tyl ardagerlerıne Kökşetau qalasynda 20 myŋnan, basqa eldımeken ardagerlerıne 12 025 teŋge syiaqy berıledı.
Oblystyŋ basqa da kategoriia ardagerlerıne 7 215 teŋge syiaqy berıledı.
Būdan bölek, barlyq ŪOS ardagerlerınıŋ ai saiynǧy kommunaldyq şyǧyndary 100 paiyz tölenedı.
Aqtöbe oblysynda 63 ŪOS ardagerı men 7 574 tyl ardagerı bar. Äleumettık kömek esebınde soǧys ardagerlerıne 100 myŋnan 200 myŋ teŋgege deiın järdemaqy tölenetın bolady. Tyl ardagerlerıne 50 myŋnan 60 myŋǧa deiın, soǧys äserınen jesır qalǧan äielderge 25 myŋnan 35 myŋǧa deiın berıledı. Sonymen qatar oblys äkımı 6 332 soǧys ardagerın lgottyq därımen qamtamasyz etıledı.
Al Atyrau oblysynda bügınde 30 ardager bar. ŪOS ardagerlerıne 100 myŋ kölemınde syiaqy tölenıp, şipajailarǧa joldama berıledı.
Şyǧys Qazaqstan oblysynda 246 ŪOS ardagerı bar. Jergılıktı biudjetten barlyq ardagerge 500 myŋ teŋge kölemınde syiaqy bölınedı.
Batys Qazaqstanda bügınde 115 ŪOS ardagerı bar. Osy oblystyŋ eŋ qariia ardagerı Semen Akimovich Danilin biyl 104 jasqa tolyp otyr. Äkımşılıkte osy ardagerge berıluı tiıs syiaqy kölemı anyqtalmaǧan. Alaida syiaqydan bölek ardagerler oblys äkımınıŋ aşyq haty men azyq-tülık sebetın alady dep sendırıp otyr.
Qaraǧandy oblysynda Jeŋıs künıne orai 66 ardager 15 myŋnan syiaqy alady.Tyl ardagerlerı men soǧys jesırlerıne 10 myŋnan syiaqy berıledı. Barlyq syiaqy aluşy ardagerler esepşotyna audarylady.
Sonymen qatar soǧys ardagerlerıne "Jas Otan" jastar qanaty jastary kömek körsetedı. Är jyl saiyn 9 mamyr qarsaŋynda olar ardagerlerdıŋ üiıne baryp kömektesedı.
Qostanai oblysynda Jeŋıs künı qarsaŋynda 66 ardager 150 myŋ teŋge kölemınde syiaqy alǧan.
Maŋǧystau oblysynda 240 myŋ teŋge kölemınde syiaqyny 24 front ardagerı alady. Barlyq qarajat jergılıktı biudjetten bölınedı. Tyl ardagererı 96 200 teŋge syiaqy alady.
Pavlodar oblysynda 74 ardager 150 myŋ teŋge kölemınde syiaqy alady.
Soltüstık Qazaqstan oblysynda 114 ŪOS ardagerlerı men mügedekterıne 240 myŋ teŋge kölemınde syiaqy berıledı. Qosymşa kömek retınde barlyq ardager şipajaiǧa joldama, tıs protezıne äleumettık tölem alady jäne kommunaldyq karyzdary tölenedı.
Oŋtüstık Qazaqstan oblysy Sozaq audanynda 6 front ardagerıne "Niva" kölıgı berıledı. Ardagerler sany jyl saiyn kemıp bara jatqandyŋtan äkımşılık osyndai syi tartuǧa bel buǧan.
Almatyda qalalyq maslihat şeşımımen ŪOS-nyŋ 387 ardagerı 250 myŋ teŋgeden syiaqy alady. Sondai-aq, barlyq ardager şipajai demalys, tegın jolaqymen qamtamasyz etıledı.
Astana qalasynda 95 ŪOS ardagerınıŋ tek 19-y ǧana saltanatty şeruge qatysa alady. Jyl saiyn jergılıktı biudjetten 150 myŋ teŋge kölemınde syiaqy berılıp keldı. Būl jyly barlyq ardagerge 500myŋ teŋge kölemınde syiaqy berıledı.
___________________________________________________________________________
today.kz
Ūqsas jaŋalyqtar
