Jeŋıstıŋ 80 jyldyǧyna orai Almatydaǧy 28 gvardiiaşy-panfilovşylar atyndaǧy saiabaqta negızgı merekelık ıs-şaralar öttı. Osy jerde qala äkımı Erbolat Dosaevtyŋ qatysuymen Mäŋgılık alauǧa gül qoiu räsımı ūiymdastyryldy.
Jinalǧandar soǧysta qaza tapqan qazaqstandyq jauyngerlerdı bır minut ünsızdıkpen eske aldy. Odan keiın qala äkımı, soǧys ardagerlerı, tyl eŋbekkerlerı men olardyŋ tuystary, äskeriler, qūqyq qorǧau organdarynyŋ ökılderı, qoǧam qairatkerlerı jäne qala tūrǧyndary Daŋq memorialyna gül şoqtaryn qoidy.
Erbolat Dosaev maidangerlerdı merekemen qūttyqtap, şaiqas alaŋdarynda da, eŋbek maidanynda da körsetken erlıgı üşın alǧys bıldırdı.
Sondai-aq, zor densaulyq, baqyt pen amandyq tıledı. Ardagerler men olardyŋ jaqyndary qala basşylyǧyna körsetken qūrmetı üşın alǧys aityp, almatylyqtarǧa jäne bükıl qazaqstandyqtarǧa beibıt ömır men jaqsylyq tıledı. Olar estelıkterımen bölısıp, öleŋ oqyp, äskeri änder oryndady.
Mäŋgılık alauǧa gül şoqtaryn qoiǧannan keiın Almaty äkımı Erbolat Dosaev soǧys ardagerlerı jäne olardyŋ tuystarymen bırge Otan soǧysy ardagerlerı alleiasymen jürıp öttı. Maidangerlermen beiresmi äŋgıme barysynda Erbolat Dosaev olardyŋ erlıgıne şyn jürekten alǧys aityp, ärqaisysy el ruhynyŋ, Otanǧa degen adaldyq pen erlıktıŋ tırı beinesı ekenın, bükıl eldıŋ maqtanyşy ekenın atap öttı.
28 gvardiiaşy-panfilovşylar saiabaǧynda qala tūrǧyndary men qonaqtary üşın dala ashanasy ūiymdastyrylyp, qazaqstandyq artister soǧys kezındegı jäne soǧystan keiıngı jyldaǧy änderdı oryndaǧan merekelık konsert öttı.
Jeŋıs künı Almatyda B.Momyşūly, T.Bigeldinov, S.Nūrmaǧambetov, S.Luganskii, A.Şärıpov eskertkışterıne, sondai-aq, «Otan ūldaryna mäŋgılık taǧzym», «Belgısız jauyngerdıŋ molasy», «Otan üşın şaiqasta qaza tapqan batyrlarǧa mäŋgılık daŋq» memorialdaryna gül şoqtaryn qoiu räsımderı de ūiymdastyryldy.
Soǧys jyldary maidanǧa 1,2 million qazaqstandyq attanǧan. Qazaqstannan 100 myŋnan astam jauynger orden-medaldarmen marapattalsa, 500-den asa adamǧa Keŋes Odaǧynyŋ Batyry ataǧy berılgen.
Bügınde Almatyda Ekınşı düniejüzılık soǧystyŋ 21 ardagerı tūrady. Jeŋıstıŋ 80 jyldyǧy qarsaŋynda qalanyŋ barlyq 8 audanynda ardagerler alleiasy aşyldy. 28 gvardiiaşy-panfilovşylar saiabaǧynda biıktıgı 6 metr bolatyn 29 atauly jöke aǧaşy otyrǧyzyldy. Jalpy alleialarda 200 jöke aǧaşy egıldı.
Bügın, Jeŋıstıŋ 80 jyldyǧyna orai, Almatyda auqymdy merekelık ıs-şaralar ötedı. 28 gvardiiaşy-panfilovşylar saiabaǧyndaǧy basty sahnada konserttık baǧdarlama saǧat 21:00-ge deiın jalǧasady.
Saǧat 19:00-de Köktöbe telemūnarasynda soǧysta erlık körsetken qazaqstandyq batyrlardyŋ esımı jazylǧan multimediialyq qūttyqtau körsetıledı. Būl qazaq batyrlaryna degen qūrmettıŋ belgısı.
Saǧat 21:00-de Abai alaŋynda 500-den astam dron qatysatyn erekşe jaryq şouy bolady.
Aşyq aspan astynda Jeŋıs änderı 10 jäne 11 mamyr künderı de 28 gvardiiaşy-panfilovşylar saiabaǧynda şyrqalady.
