Prezıdenttik jastar kadrlyq rezerviniń múshesi Dáýlet Káribek Amanat partııasynyń hatshysy bolyp taǵaıyndaldy. Bul týraly partııa resmı Telegram kanalynda habarlady.
Dáýlet Káribek 1990 jyly 12 qyrkúıekte dúnıege kelgen. L. N. Gýmılev atyndaǵy Eýrazııa ulttyq ýnıversıtetin "Saıasattaný" mamandyǵy boıynsha bitirgen, RhD doktory.
2009 jyldan bastap Jas Otan jastar qanatynda túrli laýazymdardy atqarǵan.
2019 jyly Jas Otan jastar qanatyn basqaryp, prezıdenttikke kandıdat Qasym-Jomart Toqaevtyń respýblıkalyq shtabynyń Team Qazaqstan jastar qanatyna jetekshilik etti.
Sondaı-aq, ol «Nur-Sultan qalasy ákimdiginiń Jastar saıasaty máseleleri basqarmasy» MM basshysy jáne «Nur Otan» partııasy elordalyq fılıaly tóraǵasynyń birinshi orynbasary qyzmetterin atqarǵan. Taǵaıyndalǵanǵa deıin Jambyl oblysy ákiminiń orynbasary laýazymynda istedi.
"Adyrna" ulttyq portaly
