Älihan Bökeihan 1866 jyly qazırgı Qaraǧandy oblysy, Aqtoǧai audanynda (būrynǧy Semei oblysyndaǧy Qarqaraly uezınıŋ Toqyrauyn bolysy) düniege kelgen.
Äkesı Nūrmūhamet Älihandy 9 jasynda moldaǧa oquǧa berıp, keiın mektepte bılım alady. Būdan soŋ Qarqaralydaǧy üş jyldyq uchilişege tüsıp, üzdık bıtırıp şyǧady. Osylaişa 16 jasynda Ombynyŋ tehnikalyq uchilişesıne tüsıp, 20 jasynda Dala general gubernator keŋsesınıŋ ūsynys haty men qazaq qauymdastyǧynyŋ şäkırtaqysyna ie bolǧan ol Sankt-Peterburgtegı Orman şaruaşylyǧy institutyna tüsken. Sabaqpen qatar, saiasi, ädebi, ekonomikalyq üiırmelerge atsalysyp, studenttık şerulerge qatysqan.
Älihan Bökeihan – daŋqty qoǧam jäne memleket qairatkerı. Onyŋ bastamasymen «Qazaq» gazetı aşyldy, «Alaş» partiiasy, keiın Alaş Ükımetı qūryldy. Avtonomiia retınde küş-quatyn bekıte tüsken el ziialylary Alaş äskerın jasaqtady.
Älihan Bökeihan - milliondaǧan qazaqty «Alaş» ideiasynyŋ töŋıregıne toptastyra bılgen tūlǧa. Alaida bolşevikterdıŋ ezgısındegı özge ūlttarmen bırge qazaqtar da HH ǧasyrdyŋ basynda öz täuelsızdıgın ala alǧan joq. Qyzyl terrormen bilık basyna kelgen bolşevikter qazaqqa taǧy da 70 jyl bodandyqtyŋ qamytyn kigızdı.
1937 jyldyŋ 27 qyrküiegınde Qazaqstan Keŋestık Respublikalar Odaǧy Joǧarǧy Sotynyŋ Äskeri Kollegiiasy «vozglavlial kontrrevoliusionnuiu borbu protiv Sovetskoi vlasti, ustonovil sviazi s rukovoditeliami terroristicheskogo sentra v Kazahstane i v Moskve» degen jalǧan aiyppen qazaqtyŋ ūlt-azattyq qozǧalysynyŋ negızın qalaǧan asa körnektı qoǧam jäne memleket qairatkerı, ǧūlama ǧalym Älihan Nūrmūhamedūly 71 jasynda elınen tys jerde – Mäskeude ölım jazasyna kesılsın degen ükım şyǧardy.
"Adyrna" ūlttyq portaly
