Múmkindikteri shekteýli adamdardyń quqyqtaryn qorǵaýshysy, qoǵam qaıratkeri Almaz Erjan «Qazaqstan halqyna» qory qamqorshylyq keńesiniń quramynan shyqty, dep habarlaıdy "Adyrna" ulttyq portaly ulysmedia.kz-ke silteme jasap.
Bul týraly ol Feısbýk paraqshasyna jazdy.
«Maǵan artqan senimderińiz úshin taǵy da barlyǵyńyzǵa alǵys aıtqym keledi. Men el Prezıdenti qurǵan «Qazaqstan halqyna» qorynyń qamqorshylyq keńesiniń quramynan shyǵatynymdy habarlaımyn. Sebepter: Jeke ózime paıda joq! Sonymen qatar, basqa adamdardyń mıllıardtaǵan aqshasyna tegin jaýap bergim kelmeıdi. Birden aıta ketý kerek, meni eshkim qýyp jibermedi, meni eshkim qyspaqqa almady, eshkim kóndirmedi, qońyraý shalmady, t.b.», - dep jazdy Almaz Erjan.
Ol bul sheshimdi 100% ózim qabyldaǵanyn jazdy.
«Meniń qorǵa nemese olardyń qor múshelerine eshqandaı talaptarym nemese kelispeýshilikterim joq. Kelesi joly Almaz Erjannyń osyndaı jobaǵa qatysýyn qalasańyz6 aldymen ony osyndaı jobanyń tóraǵasy nemese basshysy etip taǵaıyndap, oǵan óz komandasyn jınaýǵa múmkindik berýdi usynamyn. Sodan keıin men sizge árbir tıyn úshin jaýap beremin. Barshańyzǵa maǵan senim artqandaryńyzǵa kóp rahmet!», - dep jazdy ol.
Eske sala ketsek, 16 qańtarda «Qazaqstan halqyna» Qoǵamdyq qorynda Qamqorshylyq keńes jańa quramda saılandy. Qamqorshylyq keńes quramyna belgili memleket jáne qoǵam qaıratkerleri, azamattyq qoǵam ókilderi, meenattar men elimizdiń bedeldi azamattary kirdi.
"Adyrna" ulttyq portaly
