«Qaŋtar oqiǧasy» boiynşa 52 adam sottaldy. Būl turaly QR IIM Tergeu departamentınıŋ bastyǧy Sanjar Ädılov QR Prezidentı janyndaǧy OKQ-da ötken brifingte aitty, dep habarlaidy "Adyrna" ūlttyq portaly baq.kz-ke sılteme jasap.
Bügın elımızde sottar jeke basyn jäne jasaǧan qylmys auyrlyǧyn eskere otryp 52 adamdy sottady: olardyŋ 39-y bas bostandyǧyn şekteuge, 13-ı bas bostandyǧynan aiyruǧa, al 2 adamǧa qatysty taraptar tatulasuyna bailanysty toqtatyldy, - dedı Sanjar Ädılov.Ol qaŋtar oqiǧalaryn qanşa adam tergep jatqanyn aitty.
Respublika kölemınde qaŋtar oqiǧalaryn tergeuge 500-den asa ışkı ıster organdary qyzmetkerlerı tartyldy, olardyŋ ışınde tergeuşıler, jedel qyzmetkerler jäne kriminalistter. Işkı ıster ministrlıgı ortalyq apparatynan jergılıktı jerlerge täjıribelı qyzmetkerler jıberıldı. Bırqatar qyzmetker arnaiy prokurorlar jetekşılık etetın vedomstvoaralyq jedel tergeu toptarynyŋ qūramdaryna qosyldy jäne olarmen bırge jappai tärtıpsızdıkterdıŋ ūiymdastyruşylaryn anyqtau boiynşa jūmys ıstep jatyr, - dedı ol.Ädılov ataǧandai, atalǧan toptar jūmysynyŋ nätijelerı bas prokuratura ökılımen aityldy.
"Adyrna" ūlttyq portaly
