Bektaý-Ata shatqalyna qaýip tónip tur. Óıtkeni almatylyq «Dáneker-Jol» JShS 2022-2023 jyldary jol qurylysy úshin taý sileminen 1,5 mıllıon tonna tas alýǵa 500 tonnadan astam jarylǵysh zattardy qoldanýdy josparlaǵan. Sonyń saldarynan aýdany 8 gektardan asatyn karer qalady eken, dep habarlaıdy "Adyrna" ulttyq portaly turkystan.kz-ke silteme jasap.
Aıta ketsek, Bektaý-Ata Balqash qalasynan soltústikke qaraı 70 shaqyrym jerde, Qaraǵandy oblysynyń Aqtoǵaı aýdanynda ornalasqan. Al tasty Bektaý-Ata memlekettik tabıǵı zoologııalyq qoryǵyna jaqyn jerde óndirý josparlanypty. Bul onyń ekojúıelerine jáne týrıstik tartymdylyǵyna orasan zııan keltirmek.
Osyǵan oraı, 21 aqpan kúni saǵat 16:00-de QOÁB materıaldarymen «Qaraǵandy oblysy Aqtoǵaı aýdanyndaǵy Bektaý magmalyq jynys ken ornynyń taý-ken jumystarynyń jospary» jobasyn qaraý boıynsha ZOOM platformasyndaǵy qoǵamdyq tyńdaý ótkizilgeli jatyr.
Konferenııa ıdentıfıkatory: 6525596922, kirý kody: 0ycSYr
"Adyrna" ulttyq portaly
