Özbekstan prezidentı Şavkat Mirziioev ükımet qūrylymynda jaŋa lauazym engızdı, dep habarlaidy "Adyrna" tılşısı.
Ferǧana deregınşe, premer-ministrdıŋ bırınşı orynbasary – bılım jäne ǧylym ministrı qyzmetıne Erkinjon Turdimov taǧaiyndaldy. Būl turaly memleket basşysynyŋ baspasöz qyzmetı habarlady.
Būǧan deiın ol Syrdariia oblysynyŋ äkımı qyzmetın atqarǧan.
Sonymen qatar bılım, ǧylym jäne densaulyq saqtau mäselelerı jönındegı hatşylyq qūryldy. Jaŋa vise-premerge respublikalyq ministrlıkterdıŋ, komitetter men agenttıkterdıŋ jūmysyn üilestıru, sondai-aq oblystar men Taşkent qalasy äkımderınıŋ qyzmetın qadaǧalau mındetı jükteldı. Būl baǧyttaǧy jūmystardyŋ oryndaluyn prezident äkımşılıgınıŋ basşysy Saida Mirziioeva baqylaidy.
Erkinjon Turdimov 1969 jylǧy 10 şıldede Samarqand oblysynda düniege kelgen. 1991 jyly Taşkent halyq şaruaşylyǧy institutyn ekonomist mamandyǧy boiynşa bıtırgen. Är jyldary Nauai, Sūrhandariia, Samarqand jäne Syrdariia oblystaryn basqarǧan.
Aita keteiık, Özbekstanda Bılım jäne ǧylym ministrlıgı 2026 jylǧy 3 qazanda mektepke deiıngı jäne mekteptık bılım beru, sondai-aq joǧary bılım, ǧylym jäne innovasiialar ministrlıkterın bırıktıru arqyly qūrylǧan.
