AQŞ prezidentı Donald Tramp Resei tuy astynda jüzetın nemese Reseimen bailanysy bar kemelerge amerikandyq porttarǧa kıruge salynǧan tyiymdy taǧy bır jylǧa ūzartty. Būl turaly 16 säuır künı AQŞ-tyŋ federaldy reestrınde jariialanǧan jarlyqta aitylǧan, dep habarlaidy “Adyrna” ūlttyq portaly DW-ǧa sıltep.
Atalǧan şekteu alǧaş ret 2022 jyldyŋ säuırınde AQŞ-tyŋ eks-prezidentı Djo Baidennıŋ bastamasymen engızılgen bolatyn. Ol kezde Baiden būl şeşım “Reseidı halyqaralyq ekonomikalyq jüienıŋ artyqşylyqtarynan aiyru maqsatynda qabyldanǧanyn” mälımdegen edı.
Donald Tramp qol qoiǧan jaŋa jarlyqta Resei ükımetınıŋ saiasaty men äreketterı AQŞ-tyŋ ūlttyq qauıpsızdıgıne qauıp töndıredı dep körsetılgen.
Sanksiialar Resei ekonomikasyna aitarlyqtai soqqy tigızıp otyr. The Moscow Times basylymynyŋ 5 nauryzdaǧy deregınşe, AQŞ sanksiialary nätijesınde Resei federaldy biudjetı mūnai-gaz kırısınıŋ şamamen 20%-ynan aiyrylǧan.
Resei qarjy ministrlıgınıŋ mälımetıne süiensek, 2025 jyldyŋ aqpanynda mūnai-gaz salasynan tüsetın salyq kölemı 771,3 mlrd rubldı qūrap, būl ötken jylmen salystyrǧanda 18%-ǧa azaiǧan. Sarapşylardyŋ aituynşa, reseilık mūnai kompaniialary halyqaralyq qysymnyŋ küşeiuıne bailanysty önımderıne ülken jeŋıldıkter jasauǧa mäjbür, būl öz kezegınde biudjettıŋ tabysyn azaitqan.
Ūqsas jaŋalyqtar
