Máskeýde Qazaqstan Respýblıkasy Sybaılas jemqorlyqqa qarsy is-qımyl agenttiginiń tóraǵasy Ashat Jumaǵalıdiń Reseıdiń Bas prokýrory Igor Krasnovpen ekijaqty kezdesýi ótti, dep habarlaıdy «Adyrna» tilshisi Antıkordyń baspasóz qyzmetine silteme jasap.
Kezdesý barysynda ekijaqty yntymaqtastyqtyń, onyń ishinde ózara quqyqtyq kómek kórsetý, ıfrlyq sheshimderdi paıdalaný, adamdardy izdestirý, oqytýdy uıymdastyrý, birlesken jobalardy iske asyrýdyń basym máseleleri talqylandy.
Zańsyz satyp alynǵan aktıvterdi memleketke qaıtarý, olardy qarjylyq tergeý júrgizý kezinde anyqtaý máselelerine erekshe nazar aýdaryldy.
«Biz Agenttiktiń jumysynda aldyn alý jáne qylmystyq-quqyqtyq quraldardyń teńgerimin sanaly túrde qamtamasyz etýge tyrysamyz, jemqorlyqsyz qoǵam qurý maqsatynda azamattarmen belsendi qarym-qatynas jasaımyz. Biz ózara is – qımyl úshin ashyqpyz jáne birlesken jobalardy iske asyrýǵa daıynbyz», - dedi Ashat Jumaǵalı.
Ekijaqty kezdesýdiń qorytyndysy boıynsha eki eldiń organdary arasynda ózara túsinistik týraly Memorandýmǵa qol qoıyldy.
