Búginde týrızm ekonomıkanyń álemde belsendi damyp kele jatqan bir salasy. Sońǵy birneshe onjyldyqta sheteldik týrısterdi tartýǵa baılanysty qarqyndy túrde júrgizilip otyrǵan reformalardyń nátıjesinde birneshe el óz ekonomıkalaryn áldeqaıda joǵarǵy deńgeıge kóterip aldy dese de bolady. Eger sandyq-statıstıkalyq málimetterge júginer bolsaq, tabysy qomaqty basqa salalarmen salystyrǵanda týrızm salasynyń salmaǵy basym ekendigin aıqyn baıqaımyz. Mamandardyń zertteýinshe, týrızm salasy 2005 jyldan bastap jeńil avtokólik pen munaı eksporttaýdy artta qaldyryp, kiris ákelý jaǵynan birinshi orynǵa shyqqan, dep habarlaıdy "Adyrna" ulttyq portaly.
Týrızmniń el ekonomıkasyndaǵy yqpaldy orny men mańyzdylyǵy 10-11 aqpan kúnderi Qazaqstan ınjenerlik-tehnologııalyq ýnıversıtetinde oryn alǵan halyqaralyq ǵylymı-tájirıbelik onlaın konferenııada keńinen aıtyldy. «Týrızm aımaqtyń turaqty damý faktory retinde» taqyrybyndaǵy bul ǵylymı bas qosýdy Qazaqstan ınjenerlik-tehnologııalyq ýnıversıteti, Altaı Respýblıkasy Tabıǵı resýrstar, ekologııa jáne týrızm mınıstrligi men Taýly-Altaı memlekettik ýnıversıteti (Reseı) birlese uıymdastyrdy. Konferenııa jumysyna Qazaqstan men Reseı JOO-larynyń, ǵylymı-zertteý ınstıtýttarynyń, memlekettik organdardyń jáne basqa da uıymdardyń ókilderi, týrıstik ındýstrııa salasyndaǵy 100-den astam ǵalymdar men mamandar qatysty. Konferenııada mamandar týrızm ındýstrııasy salasyndaǵy jalpy áleýmettik jáne ekonomıkalyq máselelerdi sheshýde bilim sapasyn arttyryp, básekege qabilettilikti kúsheıtý maqsatynda tájirıbe almasty.
Konferenııanyń plenarlyq májilisiniń ashylý saltanatynda Qazaqstan ınjenerlik-tehnologııalyq ýnıversıtetiniń rektory Gúlnar Sársenbekova joǵary bilimniń halyqaralyq týrızm salasyndaǵy róline toqtaly, álemdegi,sonyń ishinde Qazaqstan men Reseıdegi damý úrdisiniń mán-jaıyn baıandap, óńirlik jáne halyqaralyq týrızmdi damytýdaǵy ózekti máselelermen bólisti.
«Biz álemdegi eń ádemi qalalardyń biri – Halyqaralyq týrızm deńgeıi joǵary damyǵan, Almaty qalasynda ómir súrip, jumys isteımiz. Munda taý basyndaǵy «Medeý» muz aıdyny, «Shymbulaq» taý-shańǵy kýrorty jáne álemniń túkpir-túkpirinen týrıster keletin basqa da kórikti jerler ornalasqan. Týrızmniń qolaıly aımaǵynda ornalasqan Qazaqstan ınjenerlik-tehnologııalyq ýnıversıteti yntymaqtastyq úshin ashyq jáne týrızm ındýstrııasy salasynda óńirlik ınnovaııalyq-bilim berý klasteri bolýǵa daıyn» - dedi.
Otandyq jáne sheteldik mamandar tarapynan konferenııa barysynda ózekti taqyryptar qozǵalyp, utymdy oılar aıtyldy. Osy tusta taqyrypqa qatysty baıandamany Rektordyń mindetin atqarýshy, quqyq, fılosofııa jáne áleýmettaný kafedrasynyń doenti, IýNESKO-nyń «Taýly aýmaqtardyń turaqty damýy» kafedrasynyń meńgerýshisi V.O.Nedelskıı jalǵastyryp, týrızm salasynyń damýyndaǵy túıindi máselerge toqtalyp, kadr daıarlaýda alǵa qoıylatyn negizgi maqsattardy baıandady.
Eki kúnge sozylǵan onlaın-konferenııa nátıjesinde týrıstik ındýstrııa salasyn damytý, týrıstik áleýet ti arttyrýda oqytýshylyq quramnyń bilim men jumys tájirıbesiniń deńgeıin jetildirý qarastyryldy. Sapaly bilim berý nátıjesinde bilikti maman daıarlaýǵa joldary aıqyndalyp, alǵan jetik tájirıbeni bilim berý proesinde tıimdi qoldaný usynyldy.
"Adyrna" ulttyq portaly
