Almaty oblysy turistık ölke. Aimaqta ötken jyly turizm nysandary men jobalaryn damytuǧa 60, 5 mlrd. teŋge investisiia tartylǧan. Būl turaly baspasöz-tury kezınde mälım boldy, dep habarlaidy Öŋırlık kommunikasiialar qyzmetı.
Basqarmanyŋ tıkelei mūryndyq boluymen ötken baspasöz-turynda öŋırdegı körkem meken Kegen audanyna qarasty Kölsai jäne Qaiyŋdy kölderı tanystyryldy.
Tūmsa tabiǧatymen körgen közdı jaulaityn sūlulyqqa toly mekende jöndeu jūmystary jürgızılıp, keluşılerge qolaily jaǧdai jasalǧan.
Mamyr aiyna deiın 80 myŋ turist Kölsai kölderın tamaşalauǧa kelgen. Aldaǧy jazǧy mausymda būl körsetkış 3 esege ūlǧaiady dep josparlanǧan.
Byltyr qos taudyŋ ortasynda oryn tepken Kölsaiǧa 250 myŋ adam kelse, biyl būl sandar 400-den asady dep kütılude.
«Ötken jyly Kölsai kölderıne turisterdıŋ qauıpsızdıgı üşın aǧaştan jaiau jürgınşı joly jasalǧan edı, biyl būl ürdıs jalǧasyn tauyp, Qaiyŋdy jäne Kölsai kölderıne ūzyndyǧy 470 metr bolatyn jol salynady»,-dedı oblystyq turizm basqarmasynyŋ basşysy Quanyşbek Mirambekūly.Qazırgı taŋda däl osy jerde infraqūrylym mäselesı şeşım tauyp, keluşılerge körsetıletın qyzmet sapasyn jaqsartuǧa baǧyttalǧan jūmystar atqaryluda. Almaty oblysynyŋ aişyqty mekenın közben köruge keletın adamdarǧa qolaily jaǧdai jasau mındet. Būl qatarǧa, küre joldyŋ taǧdyry da kıredı. Oblystyq turizm basqarmasynyŋ basşysy Quanyşbek Mirambekūlynyŋ aituynşa, bügınde turizm jäne sport ministrlıgı äzırlegen 50/50 baǧdarlamasynyŋ aiasynda jol salu üşın ötınım berılgen.Ötınım maqūldansa, turister köp keletın aumaqta halyqaralyq standarttarǧa sai joldar salynatyn bolady. Aita keteiık, öŋırde turisterdıŋ aǧynyn ūlǧaitu üşın «Tengri Ultra», «OCEANMEN» syndy ırı jobalar jüzege asyrylady. Jaqyn arada, «QAZAQ MARATHON» sporttyq şarasy ötedı dep josparlanǧan, marafonǧa 2 myŋǧa juyq adam qatyspaq. Bügınde Almaty oblysynda eko jäne agroturizmǧa basa nazar audaryluda.
