Almaty oblysy týrıstik ólke. Aımaqta ótken jyly týrızm nysandary men jobalaryn damytýǵa 60, 5 mlrd. teńge ınvestıııa tartylǵan. Bul týraly baspasóz-týry kezinde málim boldy, dep habarlaıdy Óńirlik kommýnıkaııalar qyzmeti.
Basqarmanyń tikeleı muryndyq bolýymen ótken baspasóz-týrynda óńirdegi kórkem meken Kegen aýdanyna qarasty Kólsaı jáne Qaıyńdy kólderi tanystyryldy.
Tumsa tabıǵatymen kórgen kózdi jaýlaıtyn sulýlyqqa toly mekende jóndeý jumystary júrgizilip, kelýshilerge qolaıly jaǵdaı jasalǵan.
Mamyr aıyna deıin 80 myń týrıst Kólsaı kólderin tamashalaýǵa kelgen. Aldaǵy jazǵy maýsymda bul kórsetkish 3 esege ulǵaıady dep josparlanǵan.
Byltyr qos taýdyń ortasynda oryn tepken Kólsaıǵa 250 myń adam kelse, bıyl bul sandar 400-den asady dep kútilýde.
«Ótken jyly Kólsaı kólderine týrısterdiń qaýipsizdigi úshin aǵashtan jaıaý júrginshi joly jasalǵan edi, bıyl bul úrdis jalǵasyn taýyp, Qaıyńdy jáne Kólsaı kólderine uzyndyǵy 470 metr bolatyn jol salynady»,-dedi oblystyq týrızm basqarmasynyń basshysy Qýanyshbek Mırambekuly.
Qazirgi tańda dál osy jerde ınfraqurylym máselesi sheshim taýyp, kelýshilerge kórsetiletin qyzmet sapasyn jaqsartýǵa baǵyttalǵan jumystar atqarylýda.
Almaty oblysynyń aıshyqty mekenin kózben kórýge keletin adamdarǵa qolaıly jaǵdaı jasaý mindet. Bul qatarǵa, kúre joldyń taǵdyry da kiredi.
Oblystyq týrızm basqarmasynyń basshysy Qýanyshbek Mırambekulynyń aıtýynsha, búginde týrızm jáne sport mınıstrligi ázirlegen 50/50 baǵdarlamasynyń aıasynda jol salý úshin ótinim berilgen.Ótinim maquldansa, týrıster kóp keletin aýmaqta halyqaralyq standarttarǵa saı joldar salynatyn bolady.
Aıta keteıik, óńirde týrısterdiń aǵynyn ulǵaıtý úshin «Tengri Ultra», «OCEANMEN» syndy iri jobalar júzege asyrylady. Jaqyn arada, «QAZAQ MARATHON» sporttyq sharasy ótedi dep josparlanǵan, marafonǵa 2 myńǵa jýyq adam qatyspaq. Búginde Almaty oblysynda eko jáne agrotýrızmǵa basa nazar aýdarylýda.
