Almaty qalasynyŋ turizm sektoryndaǧy salyq tüsımderı 71,7 mlrd. teŋgenı qūraidy

Almaty qalasyna keluşı turister aǧyny artqan. Ūlttyq statistika biurosynyŋ mälımetı boiynşa, 2023 jyly Almatyǧa turisterdıŋ jalpy sany 2 038 417 adamdy qūrady, būl 2022 jylmen salystyrǧanda 12,6%-ǧa jäne 2019 jylǧy pandemiia aldyndaǧy deŋgeiden 52,7%-ǧa artyq. Şeteldık turister sanynyŋ 2022 jylmen salystyrǧanda ösımı 29,5%-dy qūrady,  iaǧni, 540 744 adam şahardyŋ tynys-tırşılıgımen tanysuǧa kelgen. Būl körsetkış  Almatyny Qazaqstannyŋ basqa qalalary arasynda turistık äleuetı jaǧynan köşbasşy ekenın aiqyndady. 2019 jylmen salystyrǧanda qaladaǧy şeteldık turister sany 24,1%-ǧa östı. Turizm salasynda jūmyspen qamtylǧandar sany 10,4%-ǧa ösıp, 80 983 adamdy nemese Almaty qalasynyŋ jalpy jūmys ısteitın halqynyŋ 7,7%-yn qūrady. Turizm salasyna investisiianyŋ 47,7%-ǧa ösımı 106,4 mlrd. teŋgege jettı, būl negızgı kapitalǧa salynǧan investisiianyŋ jalpy kölemınıŋ 6%-y. Ötken jyly Almaty qalasynyŋ turizm sektoryndaǧy salyq tüsımderı 64%-ǧa ösıp, 71,7 mlrd. teŋgenı qūrasa, jergılıktı biudjettıŋ jalpy salyqtyq tüsımderındegı ülesı 5%-ǧa jettı. Qalalyq turizm basqarmasynyŋ mälımetınşe, körsetkışterdıŋ ösuı Almatynyŋ turistık baǧyt retınde tartymdylyǧynyŋ artqanyn körsetedı. Öz kezegınde turistık qyzmetter men infraqūrylymǧa sūranystyŋ artuy turizm salasyna investorlar tartu üşın, jaŋa jūmys oryndaryn qūru jäne sapaly qyzmet körsetudı üşın jaqsy körsetkış. 2023 jyly turizmdı damytuǧa jergılıktı biudjetten 2,1 mlrd teŋge bölındı. Būl rette jūmsalǧan 1 teŋge salyq türınde biudjetke 34,14 teŋge kölemınde qaitaryldy, būl turizm salasynyŋ qala ekonomikasyna qosqan oŋ ülesı men tiımdılıgın körsetedı. Soŋǧy 5 jylda Almatyda 1345 nömırı bar 12 qonaqüi aşyldy, onyŋ ışınde jelılık qonaqüiler de bar (Hilton, Accor jäne InterContinental). 2027 jyly bölmeler sanyn 1,5 ese ūlǧaityp, 17 myŋ bölmege jetkızu josparlanuda. Aǧymdaǧy jyldyŋ mausym aiynda Almaty halyqaralyq äuejaiynda ekı ese köp keluşılerdı (14 mln adamǧa deiın) qabyldauǧa mümkındık beretın jaŋa jolauşylar terminalyn ıske qosu kütılude.