2021 jyldyń 1 maýsymynda «QazAqparat» Halyqaralyq aqparat agenttiginde "Qaraǵandy perzenthanasynda sábılerdi reanımaııalaýǵa arnalǵan zamanaýı apparat ornatyldy"degen taqyrypta, «Ulytaý» gazetinde “Qaraǵandy perınatologııa ortalyǵynda sábılerdi reanımaııalaýǵa arnalǵan zamanaýı apparat ornatyldy" degen taqyrypta, 2021 jyldyń 27 qyrkúıeginde “Egemen Qazaqstan” gazetinde “Sábıdiń ómirin saqtaǵandar” taqyrybymen maqala jarııalanyp, Qaraǵandy oblysyndaǵy bala týý kórsetkishi boıynsha birqatar kúmándi derekter keltirildi. Biz bul aqparattyń ras-ótirigin tekserip kóreıik.
«Jyl saıyn Qaraǵandy oblysynda 19 myń bala dúnıege keledi, onyń ishinde merziminen buryn týatyndar – shamamen 7%».
«Jyl saıyn Qaraǵandy oblysynda 19 myń bala dúnıege keledi»
Úkim: Jalǵan
Ulttyq statıstıka bıýrosynyń derekterine saı, Qaraǵandy oblysynda 2016 jyly - 23 950, 2017 jyly - 22 715, 2018 jyly - 22 950, 2019 jyly – 23 034, 2020 jyly - 23 423, al 2021 jylǵy qańtar-qyrkúıekte týǵandar sany – 18 106 adamdy qurady. Iaǵnı, atalǵan paıyzdyq kórsetkish maqaladaǵy sandarmen sáıkes kelmeıdi.
«Onyń ishinde merziminen buryn týatyndar – shamamen 7%».
Úkim: Jalǵan
Ulttyq statıstıka bıýrosy málimetinshe, jalpylaı aıtqanda Qazaqstanda shala týǵandar sany 2016 jyly - 5,5%, 2017 jyly -5,5%, 2018 jyly - 5,4%, 2019 jyly – 5,5%, 2020 jyly - 5,1%-dy qurady. Demek, bul da jalǵan málimet.
BAQ betterinde jarııalanǵan maqalaǵa júrgizilgen faktchek qorytyndysy boıynsha, aqparatta keltirilgen faktiler shyndyqqa janaspaıdy. Jyl saıyn Qaraǵandy oblysynda 19 myń emes, ortasha eseppen 23 myń sábı dúnıege keledi jáne merziminen buryn týatyndar – shamamen 5%-dy quraıdy.
Zarına ÁShIRBEK,
"Adyrna" ulttyq portaly
