"Qazaqstan halqyna" qorynyń basshysy Bolat Jámishev bas-aıaǵy 24 adamdy quraıtyn atqarý keńesiniń músheleri orta eseppen 587 myń teńge jalaqy alatynyn aıtty, dep habarlaıdy "Adyrna" ulttyq portaly.
Qor basshysy bireýler 587 myń teńgeni tym joǵary jalaqy dep sanaýy múmkin ekenin de atap ótti.
"Alaıda bul eldegi ortalyq memlekettik organdardaǵy ákimshilik qyzmetkerlerdiń eńbekaqysymen birdeı. Biz búkil mınıstrlikke qarama-qarsy joldyń betinde otyrmyz. Sondyqtan ákimshilik memlekettik qyzmetkerlerdikimen teń bolatyn jalaqy usynbasaq, eshkim bizge jumysqa kelmeıdi. Sondaı-aq, memlekettik organdarda syıaqy qarastyrylsa, biz bıýdjetke syıaqy engizgen joqpyz", - dedi Bolat Jámishev.
Aldaǵy ýaqytta Jámishev qor qarajatyn barynsha únemdeýge tyrysatynyn málimdedi. Máselen, túrli kompanııalar keńse, kompıýterler, avtokólik, elektrondy qujat aınalymyna arnalǵan portal men júıeni tegin usynǵan.
"Adyrna" ulttyq portaly
