Aqtöbe oblysynyŋ äkımı «Halyqaralyq Qazaq tılı» qoǧamy» qoǧamdyq bırlestıgı töraǧalaryn qabyldady

11 aqpan künı Aqtöbe oblysynyŋ äkımı Oŋdasyn Orazalin «Halyqaralyq Qazaq tılı» qoǧamy» qoǧamdyq bırlestıgı oblystyq jäne qalalyq filialdarynyŋ töraǧalaryn qabyldady, dep habarlaidy " Adyrna" ūlttyq portaly.  Kezdesuge oblys äkımınıŋ orynbasary Būlbūl Eleusınova, tılderdı damytu basqarmasynyŋ basşysy Medet Ysqaqov jäne qala äkımınıŋ orynbasary Aibek Köpenov qatysty. Bügınde Aqtöbe oblysy boiynşa «Halyqaralyq «Qazaq tılı» qoǧamynyŋ 14 filialy jūmys jasaidy. Qoǧamnyŋ 641 bastauyş ūiymy, 130 myŋnan astam müşesı bar. Jiyn barysynda oblys äkımı filial basşylarynyŋ öŋırımızdegı memlekettık tıldıŋ qoldanystaǧy aiasyn keŋeitu, halyq arasynda nasihattau, märtebesın köteru baǧytynda atqarylyp jatqan jūmystary jaily esebın tyŋdady. Oŋdasyn Orazalin memlekettık tıldıŋ qazırgı taŋdaǧy jai-küiıne toqtala kelıp, filial basşylaryna audandardaǧy «Qazaq tılı» qoǧamynyŋ jūmysyna taldau jürgızıp, qoǧamda memlekettık tıldıŋ qoldanyluy boiynşa jürgızılıp jatqan jūmystardyŋ sapasyn arttyrudyŋ qajettıgın atap öttı. Sonyŋ ışınde, qalamyzdaǧy şaǧyn jäne orta biznes ökılderı arasynda memlekettık tıldıŋ qoldanu aiasyn keŋeitu boiynşa tiıstı tüsındıru jūmystaryn jürgızu, naqty salalar boiynşa jergılıktı atqaruşy organdarǧa ūsynystar äzırleu, «SNPS-Aqtöbemūnaigaz» AQ, «Qazhrom» TŪK» AQ, «Qazaqstan temırjoly» ŪK» AQ siiaqty ırı käsıporyndar janynan bastauyş ūiymdar aşu turaly naqty tapsyrmalar berdı.

"Adyrna" ūlttyq portaly