Áleýmettik jelide bala terbetip otyryp sabaq oqyǵan qyzdyń vıdeosy tarap ketti, dep habarlaıdy "Adyrna" ulttyq portaly exk.kz-ke silteme jasap.
Beınejazbada shamamen bastaýysh synypta oqıtyn oqýshy qyzdyń aıaǵyna jastyq qoıyp, oǵan baýyryn jatqyzyp, terbetip jatqanyn kórýge bolady. Osy sátte ózi sabaǵyn oryndap otyrady.
Vıdeony kórgen jeli qoldanýshylary kishkentaı qyzdyń baýyrmaldyǵyna rıza boldy. Kóbi oǵan aıaýshylyq tanytyp, qısaıyp otyryp sabaq oryndaý balanyń densaýlyǵyna zııan ekenin alǵa tartty.
"Kishkentaıymyzdan tirlik jasadyq. Jaman bolǵan joqpyz. Qaıta qazirden bastap baýyrmashyl bolyp ósedi", "Árıne, jaqsy. Biraq sabaqty túzý otyryp jasaý kerek. Omyrtqasyna zııan", "Balaǵa aýyr ǵoı", "Eń bolmaǵanda sabaq oqyǵanda balalarǵa ózimiz qaraıyqshy, analar", "Jerde qısaıyp otyrý qıyn. Bastan ótken", "Men de inimdi osylaı baǵýshy edim", "Aınalyp keteıin, aqyldy qyz", "Meniń qyzym da inisine qaraıdy. Baýyr degen osyndaı bolýy kerek", "Qarsymyn. Qyz balany úı sharýasyna úıretken durys. Biraq aldymen sabaǵyn oqysyn", "Obal ǵoı, ózimizdiń aıaǵymyz talyp ketedi" dep jazdy jeli qoldanýshylary.
"Adyrna" ulttyq portaly
