Dariǧa Badyqova qazaqstandyq qyzdardyŋ tärbiesı men Almatydaǧy tärtıpsızdıkter kezınde düken tonaǧan näzık jandylarǧa qatysty oi qozǧady. Aktrisa şendılerdı "ūry" dep aiyptap, alaida özderı de ūrlyqqa barǧan halyqqa qatysty pıkırın bıldırdı, dep habarlaidy "Adyrna" ūlttyq portaly stan.kz-ke sılteme jasap.
Badyqova monşada bolǧan oqiǧasymen bölıstı.
"Men monşany jaqsy körem, aptasyna bır ret mındettı türde baramyn. Monşanyŋ är bölmesıne kırudıŋ özındık erejelerı, elementarnyi etikalary bar, bıletın şyǧarsyzdar? ⠀Mäselen, ystyq par bölmege kırmes būryn äuelı duşqa kırıp juynyp-şaiynuyŋ kerek, basseinge basyŋa arnaiy şapkaŋdy kiıp tüsuıŋ kerek degendei…⠀ Aitaiyn degenım, sol jerde orysşa şüldırlegen, özderın sūmdyq intelligentpız dep tūrǧan bıren-saran qyzdar älgı närselerdıŋ eşqaisysyn ıstemeidı ǧoi.⠀ Men är kırgen kelınşekterdıŋ qalai kırgenın körıp otyrmyn, juynbai-şaiynbai par bölmege kırdı. 1-2 saǧattan keiın par bölme iıstendı, sebebı juynbai kırıp jatqandar qanşama?⠀
“Sol par bölmelerdı juatyn banşisa qyzdarǧa mynanyŋ ışın juasyzdar ma?” dep edım, “bız tünde bıraq juamyz”, dedı" degen aktrisa qatty taŋǧalǧanyn jetkızdı."Bylai bolmaidy, onda pihtany peşke, qabyrǧalarǧa şaşaiyq dedım. Sodan pihtany tazikke aralastyryp şaşaiyn desem, "Devuşka, my je parimsia" dep tipa intelligentnyilar söiledı.
Sosyn men aittym bylş etkızıp, "ışı sasyp kettı" dep. Sodan olar sasyp jürgenderımen ısı joq, "Oii, togda my vyidem", – dedı. Işımnen quanyp kettım ketıŋderşı dep. Basqa par bölmelerdıŋ de erejelerı bar, ony saqtap jatqandar az", – dep jazdy aktrisa.Badyqova qoǧamdyq oryndaǧy etikettı oryndau üidegı tärbieden bastalatynyn aitty. Ol bügınde qyzdarǧa laiyqty tärbie beretın analardyŋ azaiyp bara jatqanyn aityp küiındı. Mädenietsızdıktıŋ kuäsı bolǧany azdai, aktrisa ūrylardyŋ qarmaǧyna tüsken. Monşada jürgende Badyqovanyŋ 20 myŋ teŋgelık halaty ūrlanǧan. Osy oraida ol Almatydaǧy tärtıpsızdıkter kezınde jappai düken tonaǧan äielderdı eske aldy.
"Oibai, äkım ūry, ministr ūry, basqasy ūry deimız. Bızde ūrlauǧa mümkındık joq eken da, äitpese ūrlaǧannyŋ kökesın körsetedı ekenbız. Kördık. Bärın ükımetke jauyp qoiyp otyrmai, ärkım özınen, öz üiındegı öz balasyn tärbieleuden bastasynşy degım keledı", – dedı aktrisa.
"Adyrna" ūlttyq portaly
